Foto: Sergek.group
Qazaqstanda jol qozǵalysy qaýipsizdigin qamtamasyz etetin biryńǵai tsifrlyq platforma - TOR (qazaqsha maǵynasy – «Jeli») ázirlenip, qoldanysqa engizildi. Bul júie eldegi joldarda bolyp jatqan barlyq oqiǵalardy naqty ýaqyt rejiminde jinaqtap, rettep kórsetip otyrady, dep habarlaidy Ult.kz.
Platforma ishki ister organdary qyzmetkerlerine arnalǵan biryńǵai «tsifrlyq tereze» retinde jumys istep, jol jaǵdaiyn ulttyq deńgeide basqarýǵa, taldaýǵa jáne úilestirýge múmkindik beredi.
Bul joba – Memleket basshysynyń barlyq baqylaý kameralaryn jáne taný júielerin birtutas tsifrlyq ekojúiege biriktiretin ulttyq «Qaýipsiz qala» platformasyn qurý jónindegi tapsyrmasyn oryndaýǵa baǵyttalǵan alǵashqy qadam.
TOR platformasy derekterdi tórt negizgi kózden jinaqtaidy: qalalar men tas joldardaǵy statsionarlyq keshenderden, patrýldik politsiianyń mobildi beketterinen, drondardan jáne ózge de qosylǵan júielerden. Júie óńirler, oqiǵa túrleri jáne ýaqyt kesindisi boiynsha taldaý jasap, apat jii bolatyn núktelerdi anyqtaýǵa, qaýipti júrgizýshilerdi tirkeýge, sondai-aq úzilissiz segiz saǵattan artyq kólik júrgizip otyrǵan tulǵalardy baqylaýǵa múmkindik beredi.
Ishki ister ministrliginiń Aqparattandyrý jáne bailanys departamentiniń bastyǵy Sergei Vargo atap ótti:
«TOR – bul búkil el aýqymynda jol qaýipsizdigin basqarýǵa arnalǵan zamanaýi qural. Júie tek zańbuzýshylyqtardy jedel tirkep qana qoimai, yqtimal qaýip-qaterlerdi aldyn ala boljap, jol-kólik oqiǵalarynyń aldyn alyp, adam ómirin saqtap qalýǵa kómektesedi».
Sergek kompaniiasy – TOR platformasyn ázirleýshi uiymnyń bas direktory Evgenii Kim óz sózinde:
«TOR – ártúrli derekkózderden aqparat jinap, jol jaǵdaiynyń tolyq kartinasyn qalyptastyra alatyn ámbebap tsifrlyq orta. Biz «Sergek» júiesin ázirleý jáne paidalaný boiynsha jyldar boiy jinaǵan tájiribemizge súiendik. Sondyqtan platformanyń arhitektýrasy bastapqyda Qazaqstannyń erekshelikterin eskerip jasaldy jáne bizdiń jaǵdaiǵa ońai beiimdeledi. Bul barlyq jol qaýipsizdigine jaýapty taraptarǵa arnalǵan biryńǵai jumys standartyn qalyptastyrady».
Jańa platformanyń basty ereksheligi – derekterdi biriktirýdiń biryńǵai standarty, oqiǵalardy ortalyqtandyrylǵan vizýalizatsiialaý múmkindigi jáne bir qaladan búkil respýblika deńgeiine deiin keńeitý áleýeti. TOR arhitektýrasy Big Data jáne BI-taldaý tehnologiialaryn qoldanýǵa daiyn.
