فوتو: Sergek.group
قازاقستاندا جول قوزعالىسى قاۋٸپسٸزدٸگٸن قامتاماسىز ەتەتٸن بٸرىڭعاي تسيفرلىق پلاتفورما - TOR (قازاقشا ماعىناسى – «جەلٸ») ەزٸرلەنٸپ, قولدانىسقا ەنگٸزٸلدٸ. بۇل جٷيە ەلدەگٸ جولداردا بولىپ جاتقان بارلىق وقيعالاردى ناقتى ۋاقىت رەجيمٸندە جيناقتاپ, رەتتەپ كٶرسەتٸپ وتىرادى, دەپ حابارلايدى Ult.kz.
پلاتفورما ٸشكٸ ٸستەر ورگاندارى قىزمەتكەرلەرٸنە ارنالعان بٸرىڭعاي «تسيفرلىق تەرەزە» رەتٸندە جۇمىس ٸستەپ, جول جاعدايىن ۇلتتىق دەڭگەيدە باسقارۋعا, تالداۋعا جەنە ٷيلەستٸرۋگە مٷمكٸندٸك بەرەدٸ.
بۇل جوبا – مەملەكەت باسشىسىنىڭ بارلىق باقىلاۋ كامەرالارىن جەنە تانۋ جٷيەلەرٸن بٸرتۇتاس تسيفرلىق ەكوجٷيەگە بٸرٸكتٸرەتٸن ۇلتتىق «قاۋٸپسٸز قالا» پلاتفورماسىن قۇرۋ جٶنٸندەگٸ تاپسىرماسىن ورىنداۋعا باعىتتالعان العاشقى قادام.
TOR پلاتفورماسى دەرەكتەردٸ تٶرت نەگٸزگٸ كٶزدەن جيناقتايدى: قالالار مەن تاس جولدارداعى ستاتسيونارلىق كەشەندەردەن, پاترۋلدٸك پوليتسييانىڭ موبيلدٸ بەكەتتەرٸنەن, درونداردان جەنە ٶزگە دە قوسىلعان جٷيەلەردەن. جٷيە ٶڭٸرلەر, وقيعا تٷرلەرٸ جەنە ۋاقىت كەسٸندٸسٸ بويىنشا تالداۋ جاساپ, اپات جيٸ بولاتىن نٷكتەلەردٸ انىقتاۋعا, قاۋٸپتٸ جٷرگٸزۋشٸلەردٸ تٸركەۋگە, سونداي-اق ٷزٸلٸسسٸز سەگٸز ساعاتتان ارتىق كٶلٸك جٷرگٸزٸپ وتىرعان تۇلعالاردى باقىلاۋعا مٷمكٸندٸك بەرەدٸ.
ٸشكٸ ٸستەر مينيسترلٸگٸنٸڭ اقپاراتتاندىرۋ جەنە بايلانىس دەپارتامەنتٸنٸڭ باستىعى سەرگەي ۆارگو اتاپ ٶتتٸ:
«TOR – بۇل بٷكٸل ەل اۋقىمىندا جول قاۋٸپسٸزدٸگٸن باسقارۋعا ارنالعان زاماناۋي قۇرال. جٷيە تەك زاڭبۇزۋشىلىقتاردى جەدەل تٸركەپ قانا قويماي, ىقتيمال قاۋٸپ-قاتەرلەردٸ الدىن الا بولجاپ, جول-كٶلٸك وقيعالارىنىڭ الدىن الىپ, ادام ٶمٸرٸن ساقتاپ قالۋعا كٶمەكتەسەدٸ».
Sergek كومپانيياسى – TOR پلاتفورماسىن ەزٸرلەۋشٸ ۇيىمنىڭ باس ديرەكتورى ەۆگەنيي كيم ٶز سٶزٸندە:
«TOR – ەرتٷرلٸ دەرەككٶزدەردەن اقپارات جيناپ, جول جاعدايىنىڭ تولىق كارتيناسىن قالىپتاستىرا الاتىن ەمبەباپ تسيفرلىق ورتا. بٸز «سەرگەك» جٷيەسٸن ەزٸرلەۋ جەنە پايدالانۋ بويىنشا جىلدار بويى جيناعان تەجٸريبەمٸزگە سٷيەندٸك. سوندىقتان پلاتفورمانىڭ ارحيتەكتۋراسى باستاپقىدا قازاقستاننىڭ ەرەكشەلٸكتەرٸن ەسكەرٸپ جاسالدى جەنە بٸزدٸڭ جاعدايعا وڭاي بەيٸمدەلەدٸ. بۇل بارلىق جول قاۋٸپسٸزدٸگٸنە جاۋاپتى تاراپتارعا ارنالعان بٸرىڭعاي جۇمىس ستاندارتىن قالىپتاستىرادى».
جاڭا پلاتفورمانىڭ باستى ەرەكشەلٸگٸ – دەرەكتەردٸ بٸرٸكتٸرۋدٸڭ بٸرىڭعاي ستاندارتى, وقيعالاردى ورتالىقتاندىرىلعان ۆيزۋاليزاتسييالاۋ مٷمكٸندٸگٸ جەنە بٸر قالادان بٷكٸل رەسپۋبليكا دەڭگەيٸنە دەيٸن كەڭەيتۋ ەلەۋەتٸ. TOR ارحيتەكتۋراسى Big Data جەنە BI-تالداۋ تەحنولوگييالارىن قولدانۋعا دايىن.
