Foto: Pexels.com
Bas prokýratýranyń Quqyqtyq statistika jáne arnaiy esepke alý jónindegi komitetiniń derekterine sáikes, 2025 jyldyń alǵashqy jartyjyldyǵynda elimizde 15 698 jol-kólik oqiǵasy tirkeldi, dep habarlaidy Ult.kz.
Bul ótken jyldyń sáikes kezeńimen salystyrǵanda 54 paiyzǵa kóp. Apattardan 22 346 adam zardap shegip, olardyń 955-i qaza tapty.
Jol apattarynyń kóbi respýblikalyq mańyzy bar tas joldarda bolǵan — 1 401 oqiǵa. Nátijesinde 3 146 adam aýyr jaraqat alyp, 2 791 adam jeńil jaralandy, 355 adam kóz jumdy.
Eń kóp jol apaty tirkelgen óńirler:
-
Almaty oblysy – 404 oqiǵa
-
Aqmola oblysy – 126
-
Jambyl oblysy – 121
JKO-ǵa kináliler arasynda mynalar basym:
-
Jeńil kólik júrgizýshileri – 12 046
-
Avtobýs júrgizýshileri – 520
-
Moped – 438
-
Júk kóligi – 390
-
Jaiaý júrginshiler – 428
-
Velosipedshiler – 114
-
Elektrosamokat – 48
-
Shaǵyn elektr kóligi – 58
Balalar arasyndaǵy jaraqattaný deregi de alańdatarlyq: 2024 jylmen salystyrǵanda jaralanǵan balalar sany 74,3%-ǵa ósip, 3185-ten 5552-ge jetti. Qaitys bolǵandar sany 126-dan 135-ke artty. Kóp jaǵdaida bul Túrkistan (27), Almaty (17), Jambyl (9) jáne Jetisý (9) oblystarynda oryn alǵan.
Bas prokýratýra azamattardy jol qozǵalysy erejelerin múltiksiz saqtaýǵa, saqtyqty kúsheitýge shaqyrdy. Joldaǵy árbir salǵyrttyq — adam ómirine tikelei qaýip.
