2016 jyldan bastap internattyq uiymdardaǵy jetimder sany 31 paiyzǵa azaidy. Bul týraly halyqpen esep berý kezdesýinde Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Respýblikamyzda 6 millionǵa jýyq bala bar. Onyń ishinde 2 milliony mektepke deiingi jasta, 3 millionnan astamy mektep jasynda, 500 myńy 18 jasqa deiingi oqýdaǵy jastar. Solardyń arasyna 24 926-sy jetim balalar men ata anasynyń qamqorlyǵynsyz qalǵandar», - dedi ministr.
BǴM málimetine qaraǵanda, 19 934 bala qamqorlyqqa, patronattyq tárbiege alynǵan, sondai-aq asyrap alǵan otbasylardyń tárbiesine berilgen. 4 992 jetkinshek balalar úiinde, internatta, densaýyq saqtaý júiesindegi balalar úiinde turyp jatyr.
«Qabyldanǵan sharalardyń arqasynda 2016 jyldan bastap internattyq uiymdarda jetimder sany 31 paiyzǵa (2016 jyly - 7 236, 2019 jyly - 4 992) azaidy. Al balalar úileriniń sany 20 paiyzǵa qysqardy. Iaǵni, 2016 jyly 140 bolsa, 2019 jyly 112-ge deiin tómendedi», - dedi A. Aimaǵambetov.
