Elimizde jer ýchaskelerin satyp alýǵa qatysty jańa pilottyq joba engizilip jatyr. Bul týraly «Azamattarǵa arnalǵan úkimet» memlekettik korporatsiiasynyń basqarma tóraǵasy Súienish Ábdildin málim etti, dep habarlaidy QazAqparat.
«Jer ýchaskesin alý protsesin jeńildetý maqsatynda biz kadastrlyq karta ázirledik. Máseleni aldymen qoǵamnyń talqysyna salyp, jurshylyqtyń pikiri eskerildi. Kartada jer ýchaskelerine qatysty barlyq aqparat kórsetilgen. Jyljymaityn múliktiń biryńǵai memlekettik kadastry aiasynda jer ýchaskelerin egov.kz portalynda aýktsion arqyly usyný pilottyq jobasy iske qosyldy», - deidi Súienish Ábdildin Ortalyq kommýnikatsiialar qyzmetinde ótken baspasóz máslihatynda.
Basqarma tóraǵasynyń aitýynsha, pilottyq joba aiasynda alǵashqy jer ýchaskesiniń aýktsiony Aqtóbe qalasynda ótti.
«Aqtóbedegi jer ýchaskesi basynda 51 480 teńgeden bastalyp, aýktsion nátijesinde ol jer 6 647 611 teńgege satyldy. Iaǵni birneshe ese qymbat baǵaǵa satylyp otyr, túsken paida memleket qazynasyna jiberiledi. Atalǵan pilottyq jobanyń taǵy bir artyqshylyǵy sybailas jemqorlyq árekettiń aldyn alady. Sonymen qatar qyzmet kórsetý merzimin jarty jyldan 1 aiǵa deiin qysqartýǵa múmkindik beredi. Odan bólek, jer ýchaskesin satýda ashyqtyqty qamtamasyz etpek. Biyl maýsymda atalǵan jobany elimizdiń barlyq óńirinde engizý josparlanyp otyr», - deidi korporatsiia basshysy.
