sýret ashyq derekkózden alyndy
Senatorlar zań jobasyn qarady, oǵan sáikes jer ýchaskelerine quqyq elektron formatta beriledi, - dep habarlaidy Tengrinews.kz saity.
Senatta "Keibir zańnamalyq aktilerge biryńǵai memlekettik jyljymaityn múlik kadastry sheńberinde memlekettik kórsetiletin qyzmetterdi tsifrlandyrý máseleleri boiynsha ózgerister men tolyqtyrýlar engizý týraly" zań jobasy birinshi oqylymda qabyldandy.
Zań jobasyn talqylaý barysynda tsifrlyq damý vitse-ministri Áset Turysov bos jer telimderi týraly aqparattyń bolmaýy ákimdikterge azamattarǵa jer ýchaskesine quqyq berýden resmi túrde bas tartýǵa múmkindik beretinin atap ótti.
"Halyqtyń barlyq tobyna alyp jatqan nemese bos jatqan jer ýchaskeleri, tirkelgen jyljymaityn múlik nysandary, infraqurylymdar týraly aqparatqa teń jáne tolyq qoljetimdilikti qamtamasyz etý maqsatynda Biryńǵai memlekettik jyljymaityn múlik kadastrynyń aqparattyq júiesi ázirlendi. Jańadan qurylǵan aqparattyq júie jer-quqyqtyq kadastr aqparatyn biriktiredi, oǵan qoljetimdilik qoǵamdyq kadastrlyq karta arqyly júzege asyrylady. Karta jer telimderi, bas josparlar, eldi mekenderdi egjei-tegjeili josparlaý jobalary týraly aqparatty qamtityn aqparattyq júieniń ashyq aqparattyq resýrsy sanalady", - dedi Turysov zań jobasyn tanystyra otyryp.
Vitse-ministrdiń aitýynsha, aqparattyq júieni engizý jer qatynastary salasyndaǵy rásimderdi jetildiredi jáne ońtailandyrady, sondai-aq olardy tsifrlandyrýdy qamtamasyz etedi. Jańa tártip ákimdikterge barmai-aq, qoǵamdyq kadastrlyq kartany paidalana otyryp, "elektrondyq úkimet" veb-portaly arqyly ákimdikterge ótinish berýdi qarastyrady.
"Zań jobasynyń negizgi maqsaty jer ýchaskesine quqyq berýdiń biryńǵai tásilderin ázirleý jáne jer ýchaskelerin elektron formatqa kóshirý arqyly berý tártibin jeńildetý bóliginde jer zańnamasyn jetildirý bolady", - dedi ol.
Turysovtyń aitýynsha, túzetýler jer ýchaskeleri men jyljymaityn múlikti tirkeý kezinde qaitalanýdy joiady.
