Bankter jeńildetilgen nesie boiynsha avtokólik satyp alýǵa ótinimder qabyldaýdy ýaqytsha toqtatty, - dep habarlaidy Tengrinews.kz agenttigi Atameken Business portalyna silteme jasap.
Ekinshi deńgeili bankterdiń málimetinshe, memleket tarapynan qarjylandyrý bolmaýy sebep bolǵan.
"Búginde barlyǵy 9 myńǵa jýyq ótinim qabyldandy. Qarjylandyrýdyń birinshi transhy aiaqtaldy. Ótinimder 20 mamyrdan bastap qabyldanbady. Ótinimder qashan qaita qabyldanatyny, iaǵni memleketten qarajattyń ekinshi transhy qashan túsetini ázirge belgisiz", - delingen Atameken Business habarlamasynda.
Sonymen qatar, BAQ-ta jeńildetilgen avtonesie baǵdarlamasyna qatysýǵa ótinimderdiń limiti taýsylǵany aityldy.
Byltyr kezekte turǵandardyń da bárin almaǵany aityldy. Jeńildetilgen nesiege ótinish berip úlgergen qazaqstandyqtar alǵan. Endi avtokólikti nesiege alǵysy kelgender ótinish bere almaidy, qashanǵa deiin ekeni belgisiz.
"Nur-Sultanda Turan dańǵylyndaǵy Kia Allur Auto avtosalony ókilderi avtokólikter jetkilikti ekenin aitty, biraq bankter arqyly qarjylandyrý jaqyn kúnderden beri bolmaǵan. Ázirge tek ForteBank ótinimderdi qabyldaýdy jalǵastyryp jatyr. Avtosalonnyń elektron kezeginde barlyǵy 13 myń adam tur. (...) Baǵdarlama boiynsha ótinimderdi qabyldaý qashan bastalady, qashan qarjylandyrylady degen másele "Ónerkásipti damytý qorynda" aitylmady", - delingen Atameken Business habarlamasynda.
