Qazaqstanda jeńil kólikterdi jalǵa alý kólemi 61 paiyzǵa artty, dep habarlaidy QazAqparat.
Finprom.kz málimetinshe, jalǵa alý, jalǵa berý jáne lizing boiynsha qyzmetterdiń kólemi tómendep keledi. Kóptegen dyldan beri alǵash ret kórsetkish 16 paiyz minýsqa ketken. Degenmen, jeńil avtomobilderdi jalǵa alýdaǵy qyzmet kólemi birden 63 paiyzǵa artyp otyr.
2021 jyldyń qańtar-maýsymynda jalǵa alý, jalǵa berý jáne lizing qyzmetteriniń kólemi 254,4 mlrd teńgeni qurady. Barlyq qyzmetterdiń tórtten úshi 3 óńirge tiesili: Nur-Sultan (96,2 mlrd teńge), Atyraý oblysy (51 mlrd teńge) jáne Almaty qalasy (44,8 mlrd teńge). Qyzmettiń aýqymdy kólemi Mańǵystaý (15,9 mlrd teńge), Batys Qazaqstan (11,2mlrd teńge) jáne Qaraǵandy oblystarynda da (9,8 mlrd teńge) baiqalady. Al eń tómengi kórsetkish Túrkistan oblysynda tirkelgen, nebári 250,2 mln teńge ǵana.
Qyzmet qurylymynda jeńil avtomobilder men jeńil avtokólik quraldaryn jalǵa alý kólemi aitarlyqtai joǵary. Esepti kezeńde ol 52,1 mlrd teńgeni qurap, jyl ishinde 61,4 paiyzǵa artyp otyr. Odan keiingi orynda júk kólikterin (26 mlrd teńge), qurylys mashinalary men jabdyqtaryn (14,8 mlrd teńge) alý tur. Al sektorlaǵy qyzmetterdiń mardymsyz kólemi áýe kólik quraldary lizingine tiesili. Nebári 97 myń teńge ǵana. Sonymen qatar video kassetalar men diskterdi jalǵa berý 2,7 mln teńgeni, aqparattyq telekommýnikatsiialyq júieler úshin kompiýterler men syrtqy jabdyqtar lilingi 4,9 mln teńgeni qurady.
