قازاقستاندا جەڭٸل كٶلٸكتەردٸ جالعا الۋ كٶلەمٸ 61 پايىزعا ارتتى, دەپ حابارلايدى قازاقپارات.
Finprom.kz مەلٸمەتٸنشە, جالعا الۋ, جالعا بەرۋ جەنە ليزينگ بويىنشا قىزمەتتەردٸڭ كٶلەمٸ تٶمەندەپ كەلەدٸ. كٶپتەگەن دىلدان بەرٸ العاش رەت كٶرسەتكٸش 16 پايىز مينۋسقا كەتكەن. دەگەنمەن, جەڭٸل اۆتوموبيلدەردٸ جالعا الۋداعى قىزمەت كٶلەمٸ بٸردەن 63 پايىزعا ارتىپ وتىر.
2021 جىلدىڭ قاڭتار-ماۋسىمىندا جالعا الۋ, جالعا بەرۋ جەنە ليزينگ قىزمەتتەرٸنٸڭ كٶلەمٸ 254,4 ملرد تەڭگەنٸ قۇرادى. بارلىق قىزمەتتەردٸڭ تٶرتتەن ٷشٸ 3 ٶڭٸرگە تيەسٸلٸ: نۇر-سۇلتان (96,2 ملرد تەڭگە), اتىراۋ وبلىسى (51 ملرد تەڭگە) جەنە الماتى قالاسى (44,8 ملرد تەڭگە). قىزمەتتٸڭ اۋقىمدى كٶلەمٸ ماڭعىستاۋ (15,9 ملرد تەڭگە), باتىس قازاقستان (11,2ملرد تەڭگە) جەنە قاراعاندى وبلىستارىندا دا (9,8 ملرد تەڭگە) بايقالادى. ال ەڭ تٶمەنگٸ كٶرسەتكٸش تٷركٸستان وبلىسىندا تٸركەلگەن, نەبەرٸ 250,2 ملن تەڭگە عانا.
قىزمەت قۇرىلىمىندا جەڭٸل اۆتوموبيلدەر مەن جەڭٸل اۆتوكٶلٸك قۇرالدارىن جالعا الۋ كٶلەمٸ ايتارلىقتاي جوعارى. ەسەپتٸ كەزەڭدە ول 52,1 ملرد تەڭگەنٸ قۇراپ, جىل ٸشٸندە 61,4 پايىزعا ارتىپ وتىر. ودان كەيٸنگٸ ورىندا جٷك كٶلٸكتەرٸن (26 ملرد تەڭگە), قۇرىلىس ماشينالارى مەن جابدىقتارىن (14,8 ملرد تەڭگە) الۋ تۇر. ال سەكتورلاعى قىزمەتتەردٸڭ ماردىمسىز كٶلەمٸ ەۋە كٶلٸك قۇرالدارى ليزينگٸنە تيەسٸلٸ. نەبەرٸ 97 مىڭ تەڭگە عانا. سونىمەن قاتار ۆيدەو كاسسەتالار مەن ديسكتەردٸ جالعا بەرۋ 2,7 ملن تەڭگەنٸ, اقپاراتتىق تەلەكوممۋنيكاتسييالىق جٷيەلەر ٷشٸن كومپيۋتەرلەر مەن سىرتقى جابدىقتار ليلينگٸ 4,9 ملن تەڭگەنٸ قۇرادى.
