Memleket basshysy «Qazaqstan Respýblikasynyń keibir zańnamalyq aktilerine jaiylymdardy paidalaný máseleleri boiynsha ózgerister men tolyqtyrýlar engizý týraly» Zańǵa qol qoidy, dep habarlaidy "Ult aqparat".
Bul qujat jaiylymdardy basqarý jáne paidalaný salasyndaǵy zańnamany jetildirýge baǵyttalǵan.
Túzetýler 5 zańnamalyq aktige, onyń ishinde Jer, Orman kodeksterine engizildi.
Túzetýlerdiń birinshi blogy jekelegen adamdardyń malyn jaiýǵa arnalǵan jaiylymdyq alqaptardyń tapshylyǵyn joiýǵa baǵyttalǵan.
Osy maqsatta Jer kodeksine jáne «Jaiylymdar týraly» Zańǵa jaiylymdardyń jańa túri, iaǵni «qoǵamdyq jaiylymdar» uǵymy engizildi.
Qoǵamdyq jaiylymdar tek jergilikti turǵyndardyń malyn jaiýǵa paidalanylady. Olar jalǵa berilmeidi.
Qoǵamdyq jaiylymǵa jatpaityn jaiylymdardyń jalǵa berilýi jáne shabyndyq úshin paidalanylýy múmkin.
Qoǵamdyq jaiylymdardy, sondai-aq jaiylymdardy aýyl sharýashylyǵy alqaptarynyń basqa túrlerine aýystyrýǵa tyiym salyndy.
Mal sharýashylyǵy jáne mal jaiý úshin ýaqytsha óteýsiz jer paidalaný normasynan (5 jylǵa) konkýrssyz jer alý múmkindigi alynyp tastaldy.
Bul maqsattar úshin jer konkýrstyq tártippen ǵana beriledi.
Ormandardyń resýrstyq áleýetin tiimdi paidalaný úshin orman/tabiǵatty qorǵaý mekemeleri jyl saiyn ákimdikterdi bos emes jáne bos alańdardyń naqty oryndaryn kórsete otyryp, shóp shabýǵa jáne mal jaiýǵa bolatyn orman qorynyń ýchaskeleri týraly habardar etedi.
Túzetýdiń ekinshi blogy jaiylymdardy basqarý jáne olardy paidalaný jónindegi josparlardy ázirleý jáne bekitý jónindegi talaptardy jańartty.
Túzetýdiń úshinshi blogy jaiylymdardyń degradatsiiasy men shóleittenýine, sondai-aq olardy sýlandyrýǵa qarsy kúres tetikterin kúsheitti.
Atap aitqanda, jaiylymdardyń jai-kúiin qalpyna keltirý jáne jaqsartý úshin jaiylymdardy geobotanikalyq zertteý, monitoringteý, túgendeý jáne ózge de sharalar kózdelgen.
Jer paidalanýshylar men menshik ielerine topyraq qunarynyń joiylýyna jol bermeý, jer túrine sáikes aýyl sharýashylyǵy jerlerin maqsatty paidalaný mindeti engizildi.
