Ekpe. Kórneki sýret: pexels.com
Qazaqstanda qyzdardy jatyr moiny obyrynyń negizgi qozdyrǵyshy – adam papillomasy virýsyna (APV) qarsy vaktsinatsiialaý bastaldy. Bul týraly Densaýlyq saqtaý ministrligi habarlady.
Qazaqstan Respýblikasynyń Bas memlekettik sanitariialyq dárigeriniń 2024 jylǵy 17 qyrkúiektegi № 11 qaýlysyna sáikes 11 jastaǵy qyzdar josparly tártippen vaktsinatsiialaýǵa jatady. Sondai-aq 12 jastan bastap 13 jasty qosa alǵandaǵy jastaǵy qyzdarǵa tolyqtyra immýndaý júrgiziledi.
Ekpe mektepterdiń meditsinalyq kabinetterinde ata-analardyń nemese zańdy ókilderiniń habardar etilgen kelisimin alǵannan keiin júrgiziledi. Sondai-aq ata-analardyń qalaýy boiynsha vaktsinatsiia tirkelgen jerdegi emhanalarda da júrgizilýi múmkin.
Jatyr moiny obyry Qazaqstandaǵy barlyq jastaǵy áielder arasynda taralýy boiynsha ekinshi oryndaǵy jáne 25 pen 44 jas aralyǵyndaǵy áielder óliminiń sebepteri boiynsha ekinshi oryndaǵy qaterli isik bolyp tabylady. Jyl saiyn elde bul aýrýdyń 1900-ǵa jýyq jańa jaǵdaiy tirkeledi. Ǵylymi zertteýler jatyr moiny obyrynyń negizgi sebebi APV infektsiiasyn juqtyrý ekenin dáleldedi.
Vaktsinatsiia qaterli isiktiń eń qaýipti túrleriniń birinen qyz balalardyń densaýlyǵyn qorǵaýǵa baǵyttalǵan. APV-ǵa qarsy vaktsina halyqaralyq deńgeide óziniń tiimdiligi men qaýipsizdigin dáleldedi. Búgingi tańda APV-ǵa qarsy vaktsina álemniń 135 elinde, sonyń ishinde Ózbekstan, Qyrǵyzstan jáne Túrikmenstanda qoldanylady. Búgingi tańda birqatar elderde vaktsinatsiianyń arqasynda áielder arasynda APV-nyń taralýy 90%-ǵa tómendedi.
