18 shildedegi aqparat boiynsha, Qazaqstannyń epidemiialyq kartasynda "jasyl" aimaqta jalǵyz qalǵan Túrkistan jáne Shyǵys Qazaqstan oblystary indettiń kúsh alýyna bailanysty "sary" aimaqqa oiysqan.
Indet bastalǵaly aimaqtar boiynsha eń tómengi oryndarda bolyp kelgen Túrkistan oblysynda 17 shilde kúni táýlik rekordy jańardy. Oblysta koronavirýspen 143 naýqas tirkeldi. Aldyńǵy kúni 93, oǵan deiin 34 naýqas anyqtalǵan.
Byltyr kúzde koronavirýstyń taraýy boiynsha aimaqtar kóshin bastaǵan Shyǵys Qazaqstan oblysynda ótken táýlikte 81 naýqas anyqtalǵan. Arǵy kúni 82, oǵan deiin 63 naýqas tirkelgen.
"Sary" aimaqta Túrkistan jáne Shyǵys Qazaqstan oblystarymen birge Almaty jáne Jambyl oblystary bar.
17 shildede Almaty oblysynda 162 naýqas, Jambyl oblysynda 57 naýqas tirkelgen.
Qalǵan óńirler túgel "qyzyl" aimaqta. Epidkartada Qazaqstan Respýblikasynyń jalpy kórsetkishi de bar. Respýblika 27 maýsymnan beri "qyzyl" aimaqta.
Densaýlyq saqtaý ministrligi óńirlerdi bul úsh aimaqqa virýstyń taraý qarqynyna bailanysty bóledi. Óńirdiń qai aimaqta bolýy ondaǵy karantin shekteýleriniń aýqymyn anyqtaidy.
