18 شٸلدەدەگٸ اقپارات بويىنشا, قازاقستاننىڭ ەپيدەمييالىق كارتاسىندا "جاسىل" ايماقتا جالعىز قالعان تٷركٸستان جەنە شىعىس قازاقستان وبلىستارى ٸندەتتٸڭ كٷش الۋىنا بايلانىستى "سارى" ايماققا ويىسقان.
ٸندەت باستالعالى ايماقتار بويىنشا ەڭ تٶمەنگٸ ورىنداردا بولىپ كەلگەن تٷركٸستان وبلىسىندا 17 شٸلدە كٷنٸ تەۋلٸك رەكوردى جاڭاردى. وبلىستا كوروناۆيرۋسپەن 143 ناۋقاس تٸركەلدٸ. الدىڭعى كٷنٸ 93, وعان دەيٸن 34 ناۋقاس انىقتالعان.
بىلتىر كٷزدە كوروناۆيرۋستىڭ تاراۋى بويىنشا ايماقتار كٶشٸن باستاعان شىعىس قازاقستان وبلىسىندا ٶتكەن تەۋلٸكتە 81 ناۋقاس انىقتالعان. ارعى كٷنٸ 82, وعان دەيٸن 63 ناۋقاس تٸركەلگەن.
"سارى" ايماقتا تٷركٸستان جەنە شىعىس قازاقستان وبلىستارىمەن بٸرگە الماتى جەنە جامبىل وبلىستارى بار.
17 شٸلدەدە الماتى وبلىسىندا 162 ناۋقاس, جامبىل وبلىسىندا 57 ناۋقاس تٸركەلگەن.
قالعان ٶڭٸرلەر تٷگەل "قىزىل" ايماقتا. ەپيدكارتادا قازاقستان رەسپۋبليكاسىنىڭ جالپى كٶرسەتكٸشٸ دە بار. رەسپۋبليكا 27 ماۋسىمنان بەرٸ "قىزىل" ايماقتا.
دەنساۋلىق ساقتاۋ مينيسترلٸگٸ ٶڭٸرلەردٸ بۇل ٷش ايماققا ۆيرۋستىڭ تاراۋ قارقىنىنا بايلانىستى بٶلەدٸ. ٶڭٸردٸڭ قاي ايماقتا بولۋى ونداعى كارانتين شەكتەۋلەرٸنٸڭ اۋقىمىن انىقتايدى.
