3-19 aqpan aralyǵynda elimizdiń jeti óńirinde jastar jáne otbasy saiasaty salasyndaǵy ózekti máseleler boiynsha qoǵamdyq tyńdaýlar ótkizildi, dep habarlaidy QR Aqparat jáne qoǵamdyq damý ministrliginiń baspasóz qyzmeti.
Olar óńirlik jáne vedomstvoaralyq ózara is-qimyldy kúsheitý jáne jastar jáne otbasy saiasaty salasyndaǵy maqsattarǵa qol jetkizý úshin biryńǵai ustanym qalyptastyrý maqsatynda QR AQDM Strategiialyq sessiialary sheńberinde ótti.
Osylaisha, búgingi tańda QR AQDM Jastar jáne otbasy isteri komiteti «Jastar» ǵylymi-zertteý ortalyǵymen birlesip onlain-formatta Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy jáne Qostanai oblystarynyń jurtshylyq ókilderimen seminarlar, dialogtyq kezdesýler ótkizdi.
Is-sharalarǵa 500-den astam jastar resýrstyq ortalyqtarynyń qyzmetkerleri, óńirlik jastar uiymdary men jastar isi jónindegi komitetterdiń ókilderi qatysty.
Kún tártibinde Jastardy qoldaýdyń 2025 jylǵa deiingi Keshendi josparynyń negizgi baǵyttary, sondai-aq «Qazaqstan Respýblikasynyń keibir zańnamalyq aktilerine memlekettik jastar saiasaty máseleleri boiynsha ózgerister men tolyqtyrýlar engizý týraly» zań jobasy, «Jastardyń damý indeksin» ázirleý jáne engizý, sonymen qatar Táýelsizdiktiń 30 jyldyǵy aiasynda ázirlenip jatqan «Táýelsizdik urpaqtary» ulttyq jobasy talqylandy.
Qazirgi ýaqytta jastar jáne otbasy saiasaty salasyndaǵy keń aýqymdy máselelerdi qamtityn 60-tan astam usynystar jinaldy.
Mysaly, Aqmola oblysynyń JRO ókilderi «jastarmen jumys jónindegi maman» mártebesin zańnamalyq bekitý máselesin kóterdi.
Atyraý oblysy jastar resýrstyq ortalyǵynyń qyzmetkeri Sidaliev Qaiyrjan jastarmen jumys jasaý boiynsha kadrlardy qaita daiarlaý jáne biliktiligin arttyrý máselesin kóterdi, Batys Qazaqstan oblysynda óńir belsendileri «Jasyl El» jobasyn ortalyqtandyryp iske asyrýdy usyndy. ShQO Jastar saiasaty jónindegi basqarmasynyń jastar máseleleri jónindegi bóliminiń basshysy Erkebulan Baltabekov elimizdiń barlyq óńirlerine jastar úshin jalǵa beriletin turǵyn úi baǵdarlamasyn keńeitýdi usyndy, bul onyń pikirinshe, jastardyń turǵyn úi máselesin sheshýge múmkindik beredi.
Jalpy, AQDM Strategiialyq sessiialary aiasynda qoǵamdyq tyńdaýlarǵa qatysýshylar osyndai júieli onlain seminarlar qajet ekenin, olardyń kómegimen keri bailanys pen ádistemelik kómek alýǵa bolatynyn aitty.
Jastar jáne otbasy saiasaty máseleleri boiynsha qoǵamdyq tyńdaýlar elimizdiń basqa óńirlerinde de ótedi.
Aita keteiik, barlyq syndarly usynystar ministrliktiń aldaǵy jumysy kezinde eskeriletin bolady.
