Foto: Aqorda
Prezident Qasym-Jomart Toqaevtyń Jarlyǵymen Tsifrlyq damý, innovatsiialar jáne aeroǵarysh ónerkásibi ministrligi qaita quryldy, dep habarlaidy Ult.kz.
Onyń negizinde Jasandy intellekt jáne tsifrlyq damý ministrligi qurylady. Al innovatsiialarǵa qatysty fýnktsiialar Ǵylym jáne joǵary bilim ministrligine beriledi.
Memlekettik basqarý júiesin odan ári jetildirý jónindegi sharalar týraly Qazaqstan Respýblikasynyń Konstitýtsiiasy 44-babynyń 3) tarmaqshasyna sáikes memlekettik basqarý júiesiniń tiimdiligin arttyrý maqsatynda QAÝLY ETEMIN:
1. Innovatsiialyq qyzmet salasyndaǵy fýnktsiialar men ókilettikterdi Qazaqstan Respýblikasynyń Ǵylym jáne joǵary bilim ministrligine bere otyryp, Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi Qazaqstan Respýblikasynyń Jasandy intellekt jáne tsifrlyq damý ministrligi bolyp qaita qurylý jolymen qaita uiymdastyrylsyn.
2. Qazaqstan Respýblikasynyń Jasandy intellekt jáne tsifrlyq damý ministrligi men Qazaqstan Respýblikasynyń Ǵylym jáne joǵary bilim ministrligi beriletin fýnktsiialar men ókilettikterge sáikes Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrliginiń quqyqtary men mindetteriniń quqyqtyq mirasqory bolyp aiqyndalsyn.
3. Qazaqstan Respýblikasynyń Úkimeti Qazaqstan Respýblikasynyń zańnamasynda belgilengen tártippen:
1) Qazaqstan Respýblikasy Prezidentiniń Ákimshiligimen kelisý boiynsha memlekettik organdardyń jáne olarǵa vedomstvolyq baǵynysty uiymdardyń shtat sanyn qaita bólýdi;
2) osy Jarlyqty iske asyrý boiynsha ózge de sharalar qabyldaýdy qamtamasyz etsin.
4. "Qazaqstan Respýblikasy Úkimetiniń qurylymy týraly" Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai ózgeris engizilsin:
1-tarmaqtaǵy "Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi" degen jol mynadai redaktsiiada jazylsyn: "Qazaqstan Respýblikasynyń Jasandy intellekt jáne tsifrlyq damý ministrligi".
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.
