2021 jyldyń birinshi jartyjyldyǵynda Qazaqstanda 6,6 mln sharshy metrden astam turǵyn úi paidalanýǵa berildi, dep habarlaidy Indýstriia jáne infraqurylymdyq damý ministrliginiń Telegram kanaly.
Bul 56 myń baspana. 2021 jyly turǵyn úidi paidalanýǵa berý kólemi barlyq óńirde ulǵaidy.
Atyraý (188,1%), Qostanai (120,9%), Jambyl (114,9%), Shyǵys Qazaqstan (110,5%) jáne Qaraǵandy (110%) oblystary kósh basynda.
«Nurly jer» baǵdarlamasy aiasynda biyl 17 mln sharshy metr jańa turǵyn úi nemese 163 myń baspana salý josparlanyp otyr. Onyń ishinde memlekettik investitsiialar esebinen - 1,4 mln sharshy metr turǵyn úi nemese 48,3 myń páter salynady.
«Nurly jer» baǵdarlamasynyń maqsaty – baspananyń qoljetimdiligi men jailylyǵyn arttyrý jáne turǵyn úi infraqurylymyn damytý.
Ol úshin kelesi tetikter qoldanylady:
* ipotekalyq turǵyn úi qaryzdaryn sýbsidiialaý,
* qurylys salýshylardyń qaryzdaryn sýbsidiialaý,
* qurylys ýchaskelerine injenerlik-tehnikalyq infraqurylym tartý, onyń ishinde – jeke qurylysqa arnalǵan aýdandar da qamtylady.
