Qazaqstandyqtarǵa múgedektik boiynsha járdemaqy jáne asyraýshysynan airylǵan jaǵdaida beriletin áleýmettik tólemder túrinde 35 milliardtan astam teńge tólendi. Bul jóninde Eńbek jáne halyqty áleýmettik qorǵaý ministrligi habarlady.
Jyl basynan beri qazaqstandyqtarǵa 35,2 mlrd teńge somasynda múgedektigi boiynsha memlekettik áleýmettik járdemaqy jáne asyraýshysynan ai y rylý jaǵdaiy boiynsha áleýmettik tólem tólendi .
2020 jylǵy qańtar-aqpan ailarynda respýblikalyq biýdjetten múgedektik jáne asyraýshysynan aiyrylý jaǵdaiy boiynsha memlekettik áleýmettik járdemaqy tóleýge 29 mlrd teńge bólindi.
2020 jylǵy 1 naýryzdaǵy jaǵdai boiynsha múgedektigi boiynsha memlekettik áleýmettik járdemaqy alýshylar sany 523 115 adamdy, asyraýshysynan airylý jaǵdaiy boiynsha – 164 191 adamdy qurady.
2020 jylǵy 1 naýryzǵa múgedektigi boiynsha memlekettik áleýmettik járdemaqynyń ortasha mólsheri 43 940 teńgeni, asyraýshysynan airylý jaǵdaiy boiynsha – 36 464 teńgeni qurady.
Budan basqa, mindetti áleýmettik saqtandyrý júiesine qatysýshylar Memlekettik áleýmettik saqtandyrý qorynan osy tólemderdi ala alady.
Bul quqyqty 2020 jylǵy 1 naýryzdaǵy jaǵdai boiynsha eńbek etý qabiletinen aiyrylǵan – 79 014 adam, asyraýshysynan aiyrylǵan – 45 331 adam paidalandy. Bul rette áleýmettik tólemderdiń ortasha mólsheri eńbek etý qabiletinen aiyrylý boiynsha – 24 804 teńgeni, asyraýshysynan aiyrylý boiynsha – 24 881 teńgeni qurady.
Memlekettik áleýmettik saqtandyrý qorynan osy áleýmettik tólemderdi júzege asyrýǵa barlyǵy 6,2 mlrd teńge kózdeldi.
