22 tamyzda Energetika ministrliginiń baǵalaryna memlekettik retteý belgilengen bólshek saýdada ótkiziletin munai ónimderine shekti baǵalardy belgileý týraly buiryǵy kúshine endi, dep habarlaidy vedomstvonyń baspasóz qyzmeti.
Buiryqqa sáikes mynadai markaly benzinniń baǵasy burynǵy deńgeide qalady: Ai-80 – 89 teńge, Qostanai jáne Soltústik Qazaqstan oblystarynda Ai- 92 jáne Ai-93 markaly benzinniń baǵasy litrine 187 teńge, Qazaqstannyń basqa oblystarynda litrine 182 tg., dizel otynynyń baǵasy litrine 450 teńgeni quraidy.
"Qazaqstan Respýblikasynda berilgen júrgizýshi kýáligin kórsetken kezde dizel otynynyń limiti óńirine qarai kúnine 100 litr kólemde bir litrine 230-260 teńge baǵamen belgilengen, al Qazaqstan Respýblikasynda kólik quraldaryn tirkeý týraly kýálikti kórsetken kezde júk, arnaiy, mamandandyrylǵan avtomobilder men avtobýstar úshin bekitilgen limit 300 litr úshin táýligine óńirine qarai litrine 230-260 teńge baǵamen satylady", - delingen habarlamada.
Qalǵan sanattaǵy adamdarǵa, sondai-aq kórsetilgen limitterden joǵary dizel otyny litrine 450 teńgeden beriletin bolady.
Sondai-aq, QR Energetika ministrligi múddeli taraptarmen birlesip, avtojanarmai quiý stantsiialarynda satylatyn dizel otynynyń táýliktik kólemin odan ári qadaǵalaý úshin aqparattyq júieni anyqtaýǵa bailanysty máselelerdi pysyqtaýda.
Aita keteiik, Argus Kaspii naryǵy servisiniń derekteri boiynsha EEO-ǵa múshe elderde dizel otynynyń quny 2022 jylǵy 1 tamyzda mynany qurady: Armeniia – 758 tg./litr; Resei – 446 tg./litr; Qyrǵyzstan – 412 tg./litr; Belarýs-446 tg./litr.
