Qazaqstan Respýblikasynyń memlekettik basqarý júiesin odan ári jetildirý maqsatynda Prezident Qasym-Jomart Toqaevtyń qaýlysymen jańadan eki ministrlik quryldy. Bul týraly Aqordanyń resmi saitynda habarlandy.
"Ult aqparat" Qaýlynyń tolyq mátinin usynady.
***
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesin jańǵyrtý jáne tiimdiligin arttyrý maqsatynda QAÝLY ETEMIN:
1. Mynalar:
1) Qazaqstan Respýblikasynyń Saýda jáne integratsiia ministrligi:
Qazaqstan Respýblikasy Ulttyq ekonomika ministrliginiń ishki jáne syrtqy saýda saiasatyn qalyptastyrý jáne iske asyrý, halyqaralyq ekonomikalyq integratsiia, tutynýshylardyń quqyqtaryn qorǵaý salasyndaǵy;
Qazaqstan Respýblikasy Indýstriia jáne infraqurylymdyq damý ministrliginiń tehnikalyq retteý, standarttaý jáne ólshem birligin qamtamasyz etý salasyndaǵy;
Qazaqstan Respýblikasy Syrtqy ister ministrliginiń eksportty ilgeriletý salasyndaǵy qyzmetti úilestirý jónindegi fýnktsiialary men ókilettikteri berile otyryp;
2) Qazaqstan Respýblikasynyń Ekologiia, geologiia jáne tabiǵi resýrstar ministrligi:
Qazaqstan Respýblikasy Energetika ministrliginiń qorshaǵan ortany qorǵaýdyń, turmystyq qatty qaldyqtarmen jumys isteýdiń memlekettik saiasatyn qalyptastyrý jáne iske asyrý, tabiǵi resýrstardy qorǵaý, olardy utymdy paidalanýdy baqylaý jáne qadaǵalaý salasyndaǵy;
Qazaqstan Respýblikasy Aýyl sharýashylyǵy ministrliginiń sý qoryn paidalaný jáne qorǵaý, sýmen jabdyqtaý, sý burý, orman sharýashylyǵy salasyndaǵy;
Qazaqstan Respýblikasy Indýstriia jáne infraqurylymdyq damý ministrliginiń memlekettik geologiialyq zertteý, mineraldyq-shikizat bazasyn molaitý salasyndaǵy fýnktsiialary men ókilettikteri berile otyryp qurylsyn.
2. Qazaqstan Respýblikasynyń Úkimeti:
1) Qazaqstan Respýblikasy Prezidentiniń Ákimshiligimen kelisim boiynsha memlekettik organdardyń jáne olarǵa vedomstvolyq baǵynysty uiymdardyń shtat sanyn qaita bólýdi;
2) osy Jarlyqty iske asyrý boiynsha ózge de sharalar qabyldaýdy qamtamasyz etsin.
3. Qazaqstan Respýblikasynyń Saýda jáne integratsiia ministrligi men Qazaqstan Respýblikasy Ekologiia, geologiia jáne tabiǵi resýrstar ministrligi Ulttyq ekonomika, Syrtqy ister, Energetika, Aýyl sharýashylyǵy, Indýstriia jáne infraqurylymdyq damý ministrlikteriniń beriletin fýnktsiialary men ókilettikteri sheginde quqyqtary men mindettemeleriniń quqyq mirasqory bolyp aiqyndalsyn.
4. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai tolyqtyrýlar engizilsin:
1-tarmaq mynadai mazmundaǵy joldarmen tolyqtyrylsyn:
«Qazaqstan Respýblikasynyń Saýda jáne integratsiia ministrligi;
Qazaqstan Respýblikasynyń Ekologiia, geologiia jáne tabiǵi resýrstar ministrligi».
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.
|
Qazaqstan Respýblikasynyń Prezidenti Q.Toqaev |
Nur-Sultan, Aqorda, 2019 jylǵy 17 maýsym
№ 17
