Qazaqstanda uialy bailanystyń jańa operatory paida bolady. Bul týraly «QazAqparat» HAA» AQ tilshilerimen kezdesý barysynda Básekelestikti qorǵaý jáne damytý agenttiginiń tóraǵasy Serik Jumanǵarin málim etti, dep habarlaidy "Ult aqparat".
«Qazirgi kezde uialy bailanystyń eki iri operatory bar, iaǵni «Qazaqtelekom» kompaniialar («Tele 2» men «Kcell») toby jáne «Beeline» bar. Naryqta taǵy bir operator paida bolýy múmkin. Alaida onda problema bar, ol radiojiilikterge qol jetkizbegen. Oǵan aldymen litsenziia alyp, odan keiin radiojiilikke múmkindik bolatyndyǵy usynylyp otyr... Jalpy, bul baǵyttaǵy máseleni sheship jatyrmyz. Aldaǵy jyly uialy bailanystyń taǵy bir operatory naryqqa kirýi múmkin. Ol «Transtelekom» jergilikti operatory bolady», - dedi S. Jumanǵarin.
Onyń aitýynsha, 2025 jylǵa qarai jańa operator naryqtyń 5 paiyzyn qamtýy múmkin. Biraq ta bul baǵytta esepteýler rastalmaýy yqtimal.
«Negizinen, bul operatorlarda naryqtaǵy ósimi jyldam bolady. Ázirge, 2025 jylǵa deiin ol naryqtyń 1,5 paiyzyn qamtýy múmkin ekenin eskerip otyrmyz», - dedi agenttik basshysy.
