QR birinshi vitse-premeri Álihan Smaiylovtyń tóraǵalyǵymen jańa úlgidegi mektepterdi salýǵa jumsalatyn shyǵyndardy ońtailandyrý boiynsha keńes ótti, dep habarlaidy QazAqparat.
Búgingi kúni óńirlerde 34 apatty jáne 151 úsh aýysymdy mektep bar jáne barlyq 17 óńir boiynsha jalpy tapshylyq 168 myńnan astam oqýshy ornyn quraidy. Bul rette demografiialyq trendterge jáne jumys istep turǵan mektepterdiń tozýyna bailanysty osy kórsetkishtiń artýy boljanyp otyr.
Atalǵan problemalardy sheshý maqsatynda jyl saiyn respýblikalyq biýdjetten orta eseppen 175 mlrd teńge bólinedi. Bul máseleni taiaý bolashaqta tek memlekettik biýdjet esebinen retteý úlken qarajat bólýdi talap etedi. Problemanyń balamaly sheshimi retinde árbir oqýshy úshin jan basyna qarjylandyrý formatyndaǵy memlekettik qoldaý quralyn qamtityn memlekettik-jekeshelik áriptestik jobalaryn iske asyrý boldy.
Qoldaý sharalarynyń keńeitilgen paketin jariialaý jetekshi otandyq qurylys salýshylar tarapynan úlken qyzyǵýshylyq týdyrdy. Atap aitqanda, qazirgi ýaqytta BI-Group qurylys holdingi jańa býyndaǵy «BINOM mektepterin» salýǵa jáne oǵan qatysý týraly usynysyn qolǵa aldy.
Holding elimizdiń barlyq óńirlerinde 170 myń oryndyq 50 mektepti kezeń-kezeńimen salýdy josparlap otyr. Mektepterdiń basym bóligi tapshylyq baiqalǵan Nur-Sultan, Almaty jáne Shymkent qalalarynda salynady.
Jańa býyn mektepteri neǵurlym zamanaýi materialdyq-tehnikalyq jabdyqtalýymen, muǵalimder men oqýshylar úshin joǵary qolaily jaǵdailarymen erekshelenetin bolady, esesine oń áleýmetti nátijege qol jetkizip qana qoimai, biýdjet qarajatyn aitarlyqtai únemdeýge múmkindik beredi.
Á.Smaiylovtyń tapsyrmasy boiynsha barlyq mektepter úshin jańa qurylys modeline arnalǵan tehnikalyq jabdyqtar men jabdyqtardyń biryńǵai paketi jasalady.
Jobany iske asyrýdyń 5 jyly ótkennen keiin mektepter memleket menshigine ótetinin atap ótý qajet. Bul tásildi qoldaný bilim berý infraqurylymyn jaqsartýǵa jáne oń áleýmettik nátijege qol jetkizýge ǵana emes, sonymen qatar biýdjet qarajatyn edáýir únemdeýge múmkindik beredi.
