Foto: depositphotos.com
Parlament Senatynyń depýtaty Bibigúl Jeksenbai Qazaqstanda ziian ónimderdiń taralýyn shekteýdi, sondai-aq quramynda qant mólsheri joǵary paidasy joq taǵamdar men energetikalyq sýsyndarǵa qosymsha salyq engizýdi qarastyrýdy usyndy, - dep habarlaidy Tengrinews.kz saity.
Senator Premer-ministr Álihan Smaiylovqa sońǵy ýaqytta qazaqstandyq naryqta "shyǵý tegi belgisiz qunarsyz taǵam" paida bolǵanyn málimdep, saýal joldady. Jeksenbaidyń aitýynsha, ártúrli elderden bizge azyq-túlik jáne paidalylyq koeffitsienti joq taýarlar ákelinedi. Sonymen qatar, ziian ónimderdiń kópshiligi kósheler men jertólelerde shyǵarylady.
"Elimizdiń zańnamasyna sáikes, árbir ónimde qazaq jáne orys tilderinde óndirýshi, quramy, paidalaný sharttary týraly aqparat bolýy kerek. Alaida, elimizdiń dúkenderi men bazarlarynda satylatyn arzan ziian ónimderge qatysty bul talaptar saqtalmaidy", - dedi Bibigúl Jeksenbai.
Sondai-aq, ol balalar kóretin ziian taǵamdar men sapasyz ónimder týraly jarnamalardy synǵa aldy.
"Jasyratyny joq, búginde adamdar, ásirese balalar, qant, tuz, mai, himiialyq qospalary joǵary taǵamdar jarnamasyn eriksiz kóredi. Árine, bul jarnama qoldanystaǵy zańmen retteledi, biraq densaýlyqqa ziian ónimder týraly aqparatty taratýdy shekteitin normalar joq. Elimizde balalarǵa jarnamalanatyn taǵamdardyń 72 paiyzy Dúniejúzilik densaýlyq saqtaý uiymy tyiym salǵan taǵamdar. Ziian taǵamnyń jarnamasyn taratý – aǵzaǵa qasaqana ziian keltirýmen birdei, sondyqtan múmkindiginshe, qajet jerde shekteý, tipti tyiym salý qajet", - dedi senator.
Depýtat Premer-ministrden Qazaqstanda ziian ónimderdiń saýdasyna tyiym salýdy, sondai-aq kedendik baqylaýdy kúsheitýdi surady.
"Sondai-aq, mundai ónimderdi standarttaý, sertifikattaý jónindegi qyzmetti qatań baqylaýǵa alý qajet; ásirese balalarǵa ziian taǵamdardyń merzimine shekteý qoiý kerek; paidaly emes taǵamdarǵa jáne quramynda qant mólsheri joǵary túrli energetikalyq sýsyndarǵa qosymsha salyq salý týraly máseleni qarastyrý qajet", - delingen Jeksenbai suraýynda.
Senator Qazaqstanda qandai ónimge shekteý qoiý kerek ekenin naqtylaǵan joq.
