Indýstriia jáne infraqurylymdyq damý ministrligi Qazaqstanda jańa merekeni engizý týraly qaýly jobasyn daiyndady. Qujat "Ashyq NQA" saitynda jariialandy, - dep habarlaidy Tengrinews.kz.
Qujatqa sáikes, Qazaqstanda mereke kúnderi tiziminde jańa kásibi mereke paida bolady: Turǵyn úi-kommýnaldyq sharýashylyǵy qyzmetkerleriniń kúni - 16 sáýir.
Túsindirme jazbada turǵyn úi-kommýnaldyq sharýashylyǵy (TKSh) salasynyń qyzmetkerleri el turǵyndaryn táýlik boiy jylý, elektr, sýmen qamtamasyz etetini, kóshelerdiń tazalyǵyn qadaǵalap, eldiń turǵyn úi qoryn basqaryp, kútip-ustaityny, sol arqyly turǵyndarǵa jaǵdai jasaityny atap ótilgen.
Sondai-aq, vedomstvo buǵan deiin Keńes Odaǵy kezinde TKSh qyzmetkerleri kúni dástúrli túrde shildeniń tórtinshi jeksenbisinde atap ótilgeni aitylǵan. Odaq ydyraǵannan keiin bul mereke Reseide, Belarýste, Ýkrainada jáne Ózbekstanda saqtalǵan.
Qujat jobasy 2 tamyzǵa deiin qoǵamdyq talqylaýǵa usynylǵan.
