Foto: TRT
Qyrkúiek aiynan bastap Eńbek jáne halyqty áleýmettik qorǵaý ministrligine qarasty Memlekettik eńbek inspektsiiasy jónindegi komitet jumysyn bastaidy, dep habarlaidy "Ult aqparat" vedomstvonyń baspasóz qyzmetine silteme jasap.
2024 jylǵy 1 qyrkúiekten bastap Eńbek jáne halyqty áleýmettik qorǵaý ministrligi janynan Memlekettik eńbek inspektsiiasy komiteti jumys istei bastaidy. Bul týraly Memleket basshysynyń tapsyrmalaryn oryndaý jónindegi respýblikalyq keńeste Eńbek jáne halyqty áleýmettik qorǵaý birinshi vitse-ministri Aqmádi Sarbasov málimdedi. Ol sondai-aq eńbekti qorǵaýdy basqarýdyń ulttyq júiesin jańǵyrtý boiynsha júrgizilip jatqan jumystar týraly aitty.
Sóz basynda Aqmádi Sarbasov eńbek qatynastary máseleleri erekshe baqylaýda ekenin atap ótti. Monitoring Eńbek táýekelderiniń tsifrlyq kartasy arqyly júzege asyrylady.
Vitse-ministr sondai-aq jumyskerlerdiń quqyqtarynyń saqtalýyna memlekettik baqylaýdy kúsheitý týraly aitty - biyl jumys berýshilerdi tekserý 7 paiyzǵa ósti.
Sonymen qatar, ol laiyqty eńbek jaǵdailaryn qamtamasyz etý, onyń ishinde buzýshylyqtardy anyqtaý jáne joiý, jalaqy boiynsha bereshekti jáne óndiristik jaraqattaný deńgeiin tómendetýge baǵyttalǵan sharalar boiynsha júrgizilip jatqan jumystar týraly habarlady.
Vitse-ministr eńbekti qorǵaýdy basqarýdyń ulttyq júiesin jańǵyrtý boiynsha júrgizilip jatqan jumystarǵa egjei-tegjeili toqtaldy.
"Qazaqstanda tsifrlyq sheshimder men negizgi biznes-protsesterdi avtomattandyrýdy qosa alǵanda, qaýipsiz jáne salaýatty jumys ortasyn qamtamasyz etý boiynsha júieli sharalar iske asyrylýda. 2025 jyldan bastap kásibi táýekelderdi integraldy baǵalaý rásimine tolyq aýqymdy kóshý jáne tsifrlyq quraldar men aspaptardy qoldanýǵa basa nazar aýdara otyryp, arnaiy uiymdarǵa qoiylatyn talaptardy kúsheitý josparlanýda.
Jeke qorǵanys quraldaryn tańdaýdyń jáne áleýmettik kepildikter berýdiń táýekelge baǵdarlanǵan jáne proaktivti tetikteri engiziletin bolady. Úsh taraptyń – memlekettiń, jumys berýshiniń jáne jumyskerdiń eńbek jaǵdailaryn jaqsartýǵa tartylýyn qamtamasyz etýge baǵyttalǵan sharalar kesheni qabyldanatyn bolady, bul jumys kúshiniń sapasyn arttyrýǵa jáne eńbek resýrstaryn únemdeýge oń áser etedi", – dedi Aqmádi Sarbasov.
Ol sondai-aq shtat kestesin aýystyrý men eńbek jáne ujymdyq sharttardy elektrondyq formatqa jasasý, "Kásipodaqtardyń avtomattandyrylǵan jumys orny" aqparattyq modýlin engizý arqyly eńbek qatynastaryn deklaratsiialaý boiynsha qabyldanyp jatqan sharalar týraly aityp berdi.
Qorytyndylai kele, Aqmádi Sarbasov 2024 jylǵy 6 tamyzda Úkimettiń Memlekettik eńbek inspektsiiasy komitetin (budan ári – Komitet) jáne onyń aýmaqtyq departamentterin qurý týraly qaýlysy qabyldanǵanyn baiandady.
"Komitet pen onyń aýmaqtyq departamentterin qurý, shtattardy jasaqtaý jumystary tamyz aiynda aiaqtalady. 1 qyrkúiekten bastap memlekettik eńbek inspektorlary shtattyq rejimde jumys isteidi. Tamyz aiynyń sońyna deiin Komitet pen jergilikti atqarýshy organdar barlyq qajetti zańdyq jáne tehnikalyq rásimderdi aiaqtaityn bolady.
Bul eńbek zańnamasynyń saqtalýyna jáne jumyskerlerdiń eńbek quqyqtaryn qorǵaýǵa memlekettik baqylaýdy kúsheitýge múmkindik beredi", – dep túiindedi óz sózin vitse-ministr.
