2020 jylǵy 7 aida Qazaqstanda 621myń avtokólik tirkeýge qoiyldy. Bul týraly «QazAvtoÓnerkásip» avtokólik salasyndaǵy kásiporyndar odaǵy málim etti, dep habarlaidy "Ult aqparat".
«Esepti kezeńde ákimshilik politsiia organdary 621 982 avtokólikti tirkeýge qoidy. Atalǵan kórsetkish ótken jyldyń sáikes kezeńinen 24,7 paiyzǵa kem. Onyń ishinde 559 595-i birneshe ret tirkelgender úlesinde, iaǵni bir adamnan ekinshi adamnyń atyna aýystyrylǵan kólikter sanatyna jatqyzyldy. Bir jyl burynǵy deńgeimen salystyrǵanda 27,4 paiyzǵa (770 myń kólik) tómendedi. Al alǵash ret tirkelgen kólik quraldarynyń sany 62 387-ni qurady. Bul kórsetkish byltyrǵa qaraǵanda 12,5 paiyzǵa joǵary», - dep atap kórsetilgen taratylǵan málimette.
Biylǵy qańtar-shildede Qazaqstan aýmaǵynda 26 elektromobil tirkelgen eken.
«QazAvtoÓnerkásiptiń» habarlaýynsha, esepti kezeńde qaita tirkelgen kólikterdiń úshten ekisinen astamyn (67,6 paiyzy) paidalaný merzimi 10 jyldan asqan kólikter qamtyǵan.
Atap aitqanda, 20 jyldan asqandardyń úlesi 233 097 kólik (41,7 paiyz) bolsa, 11-den 20 jylǵa deiingiler 26 paiyzdy (145 439 kólik) qurady.
Al 4-ten 7 jylǵa deiingiler – 96 747 kólikke (17,3 paiyz), 8-den 10 jylǵa deiingiler – 55 383 kólikke (9,9 paiyz), 1-den 3 jylǵa deiingi kólik sany 26 242-ge jetti. Sonymen qatar, paidalaný merzimi 1 jylǵa jetpegen kólikterdiń úlesi 0,5 paiyz (2 687 avtomobil) boldy.
