Qazaqstanda «SD Family» atty jańa klýb quryldy, dep habarlaidy "Ult aqparat".
Klýbty burynǵy fýtbolshy Didar Sydyqbek qurdy. Ol kásibi fýtbolda «Ordabasy» jáne «Aktobe» komandalarynyń namysyn qorǵaǵan. Sondai-aq, «Qyzyljar SK», «Astana-1964», «Báiterek» klýbtarynyń jeidesin kigen.
«Endi biz kásipqoi fýtbol klýbymyz. Men baqyttan jylap otyrmyn. Bul - istiń basy ǵana ekenin túsinemin. Biraq men qoryqpaimyn. Sebebi burynǵydai jalǵyz emespin», - dep jazdy D.Sydyqbek Instagram-da.
«SD Family» klýby ekinshi ligada oiyn kórsetedi. Biyl onda 21 klýb tartysqa túsedi. Olardyń kóbisi Premer-ligadaǵy komandalardyń farm-klýbtary sanalady. Biyl atalǵan ujymdar qataryna «Igilik» (Qarataý qalasy, Jambyl oblysy), «Temirlan» (Ordabasy aýdany, Túrkistan oblysy), «Astana», SDIýSShOR №8, «Qyzyljar SK», «Kaspii» klýbtarynyń jastar quramasy qosyldy. Byltyr aldyńǵy oryndardan kóringen SDIýSShOR №8 jáne «Arys» klýbtary endi birinshi ligada baq synaidy.
