Foto: ashyq derekkóz
Senat tóraǵasy Máýlen Áshimbaev Qazaqstandaǵy jańa Konstitýtsiia kúni aldaǵy referendým ótetin 15 naýryzǵa belgilenýi múmkin ekenin aitty, dep habarlaidy Ult.kz.
Muny Áshimbaev cenat kýlýarynda málimdedi. Onyń sózinshe, ótpeli erejelerge sáikes, mereke Konstitýtsiia qabyldanǵan kúnge belgilenýge tiis.
“Qabyldanǵan kún men kúshine engen kún – eki bólek uǵym. Ótpeli erejeler jobasynda Konstitýtsiianyń qabyldanǵan kúni kórsetilgen. Al ol – 15 naýryz”, – dedi cenat tóraǵasy.
Ol túpkilikti sheshim referendým nátijesine bailanysty qabyldanatynyn aitty.
“Azamattar óz ustanymyna sai daýys berýge quqyly. Referendým da halyqtyń pikirin bilý úshin ótkiziledi. Qandai sheshim qabyldansa, soǵan sáikes tiisti sheshim shyǵady. Eger qoldasa, bizde jańa Konstitýtsiia bolady ári Konstitýtsiia kúni 15 naýryz bolyp belgilenedi”, – dedi Máýlen Áshimbaev.
