Bank jaldaý tólemderi boiynsha memlekettik qoldaýǵa tórt sanat boiynsha kezekte turǵan qazaqstandyqtar ótinish bere alatynyn eske saldy:
- 1 jáne 2 toptaǵy múgedekter;
- múmkindigi shekteýli balalary bar nemese olardy tárbielep otyrǵan otbasylar;
- jetim jáne ata-anasynyń qamqorlyǵynan aiyrylǵan balalar;
- kópbalaly otbasylar.
Jaldaý aqysyn sýbsidiialaýǵa úmitker otbasylardyń sońǵy 6 aidaǵy ortasha jiyntyq tabysy árbir otbasy múshesine shaqqanda 1 eń tómengi kúnkóris deńgeiinen (1 KM = 36 018 teńge 01.01.2022 jylǵy jaǵdai boiynsha) aspaýy tiis ekeni aityldy.
"2022 jyly azamattarymyzdy qoldaýǵa 50 milliard teńge qarastyrylǵan. Onyń 40 milliard teńgesin respýblikalyq biýdjetten alý kózdelse, 10 milliard teńgesin jergilikti ákimdikter bóledi. Biýdjetten qarjylandyrý mamyr aiynda kútiledi. Jańa baǵdarlama shamamen 70 000 adamdy qamtymaq, olar jaldaý aqysynyń 50 paiyzyn alady. Qazaqstandyqtar qysqa merzimde, kezeksiz ótinim berýi úshin búkil protsesti onlain rejimge aýdardyq", - dep túsindirdi "Otbasy bank" AQ basqarma tóraiymy Lázzat Ibragimova.
Sondai-aq, bank málimetinshe, sýbsidiia alýǵa ótinimder elektron tsifrlyq qoltańba (ETsQ) kómegimen qabyldanady.
Taǵy bir talap – sýbsidiia alýǵa úmitker depoziti bar, "Otbasy bank" klienti bolýy tiis. Jinaq shoty joq azamattar beinebanking qyzmeti nemese "Otbasy bank" mobildi qosymshasy arqyly ony asha alady. Izinshe sýbsidiia alýǵa úmitker otbasybank.kz portalynda tirkelip, jeke kabinetinde ótinish jaza alady.
Ol úshin, eń aldymen, tólemderdi alý týraly ótinishke qol qoiady jáne jeke derekterdi jinaýǵa jáne óńdeýge kelisim beredi.
"Qujattarǵa qol qoiylǵannan keiin júie derekterdi óńdep, otbasynyń quramyn anyqtaidy. Sodan keiin kámelettik jasqa tolǵan árbir otbasy múshesi otbasybank.kz saitynda "qonaq" retinde tirkelip, ETsQ arqyly jeke derekterdi jinaý jáne óńdeý kelisimine qol qoiýy kerek. Osydan keiin júie derekterdi qaitadan tekserip, ótinish berýshige sýbsidiia alýǵa kelisim beredi nemese sebebin túsindirip, ótinishin keri qaitarady.
Eger ótinish maquldansa, habarlamada jalǵa alý aimaǵy, páter aýdany, jaldaý aqysynyń maksimal mólsheri men qatysýshyǵa tiesili eń joǵary sýbsidiia kólemi kórsetiledi", - delingen habarlamada.
Osydan keiin "Páter iesi týraly derekter" bóliminde ótinish berýshi jalǵa berýshiniń JSN nemese BSN kórsetýi kerek jáne osy sátten bastap protsess jalǵa alynatyn turǵyn úidiń iesi qosylatyn ekinshi kezeńge ótedi.
Baspanany jalǵa berýshi de otbasybank.kz saitynda ETsQ arqyly tirkelip, "Jalǵa alý aqysyn sýbsidiialaý" bóliminde derekterin rastaidy. Sondai-aq, jeke derekterdi jinaý jáne óńdeý týraly ótinishke qol qoiyp, jalǵa beriletin páterdiń kadastrlyq nómirin jáne qarajat aýdarylatyn 20 sandyq shotty kórsetýi kerek. Osydan keiin júie jaldaý shartyn jáne tólem kestesin jasap shyǵady, oǵan taraptar ETsQ arqyly qol qoiady.
Sýbsidiia alýǵa ótinish berýshi jaldaý shartyn tirkegeni úshin 4 810 teńge kóleminde memlekettik baj tóleidi. Sodan keiin onyń jeke kabinetinde tólem kestesi bar jaldaý sharty paida bolady, delingen habarlamada.
Jaldamaly baspanany qazaqstandyqtar ózi izdeidi
"Otbasy bank" málimetinshe, bank jaldamaly turǵyn úi sýbsidiiasyn jalǵa alý kelisimshartynyń merzimi aiaqtalǵansha, ai saiyn aýdaryp otyrady. Qujattyń kúshin merziminen buryn joiýǵa, sondai-aq jańa úi iesimen kelisimshart qurýǵa ruqsat etilgen. Bul jaǵdaida otbasybank.kz portalynda ótinish berý protsesi qaitadan jasalady.
"Otbasy bank" jyl saiyn sýbsidiia alýshylardyń sharttarǵa sai kelýine monitoring júrgizip, tólem tártibin ai saiyn qadaǵalap otyrady. Al jergilikti ákimdikter jaldamaly úiler men onda turyp jatqan azamattardy keminde toqsanyna bir ret tekseredi, delingen habarlamada.
Baspanany jaqyn týystardan jáne jubailardan, onyń ishinde burynǵy jubailarynan jáne erli-zaiyptylardyń týystarynan jalǵa alýǵa, sondai-aq qaita jalǵa ótkizýge tyiym salynatyny aitylǵan.
Foto:elements.envato.com
