QR Parlamentiniń Senaty «Qazaqstan Respýblikasynyń keibir zańnamalyq aktilerine atqarýshylyq óndiristi jáne qylmystyq zańnamany jetildirý máseleleri boiynsha ózgerister men tolyqtyrýlar engizý týraly» zańdy ekinshi oqylymda qabyldady, dep habarlaidy QazAqparat.
Senatorlar qabyldaǵan zań jobasyna sáikes, QR Qylmystyq kodeksiniń «Jala jabý» 130-baby Ákimshilik quqyq buzýshylyq týraly kodekske aýystyrylatyn boldy.
«Zań jobasymen barlyq taraptar úshin májbúrli túrde oryndaý júiesiniń ashyqtyǵy men qoljetimdiligi artatyn bolady. Zań jobasyna engizilgen normalar jeke sot oryndaýshynyń aǵymdaǵy esepshotynda óndirip alýshynyń paidasyna óndirilgen aqsha qarajatynyń saqtalýyn qamtamasyz etýge baǵyttalǵan»,- dedi zań jobasyn tanystyrǵan senator Andrei Lýkin.
Munan bólek, zańǵa sot oryndaýshylarynyń is júrgizý áreketterin ońtailandyrý, atqarýshylyq óndiris júiesine tsifrlyq tehnologiialardy engizý, atqarýshylyq óndiristiń jekelegen protsedýralaryn reglamentteý jáne jaqsartý boiynsha túzetýler engizilip otyr.
Sonymen qatar, jeke sot oryndaýshylarynyń qyzmetine baqylaý men olardyń jaýapkershiligin kúsheitý boiynsha da sharalar jetildiriledi.
