2020 jyldyń qorytyndysy boiynsha Eńbek jáne halyqty áleýmettik qorǵaý ministrligi áleýmettik-eńbek salasyndaǵy qyzmetterdiń 91 paiyzyn tsifrlandyrdy. Bul týraly atalǵan vedomstvonyń basshysy Serik Shápkenov málim etti, dep habarlaidy "Ult aqparat".
Ministr 2020 jyldyń sońyna qarai Eńbekmini áleýmettik-eńbek salasyn tsifrlandyrý boiynsha eleýli nátijege qol jetkizgenin atap ótti.
«Biz qyzmetterdi 91 paiyzǵaa tsifrlandyrdyq, 44 qyzmettiń 40-y elektrondyq, onyń 18-i proaktivti túrde usynylady. 2020 jyldyń qorytyndysy boiynsha 12,4 mln qyzmet kórsetildi, sonyń 7,8 milliony elektrondyq qyzmetke jatady. Memleket basshysynyń tapsyrmasyna sáikes, 2021 jyly zeinetaqy men járdemaqy taǵaiyndaý protsesteri tsifrlandyrylatyn bolady «, - dedi ministr.
Sonymen qatar, ol Eńbekmini Áleýmettik qyzmetter portalyn damytýdy jalǵastyratynyn atap ótti. Osylaisha, kórsetiletin qyzmetterdiń sapasyn arttyrýǵa jáne sybailas jemqorlyq táýekelderin azaitýǵa múmkindik týady. Portalda tehnikalyq quraldar men ońaltý qyzmetteriniń tizimi birtindep keńeiip keledi, taýarlar men arnaiy áleýmettik qyzmetterdi jetkizýshiler sany ósip otyr, 2023 jyldan bastap invataksi qyzmeti resýrsqa kóshedi.
«Sonymen qatar, biz Tsifrlyq otbasy kartasyn qurýmen ainalysýdamyz. Joba ómirlik qiyn jaǵdaidaǵy otbasylardy avtomatty túrde anyqtaýǵa baǵyttalǵan jáne bul azamattarǵa ártúrli memlekettik organdardyń quzyretine kiretin áleýmettik qoldaýdyń belsendi keshendi sharalaryn usynýǵa múmkindik beredi. Tsifrlyq áleýmettik karta otbasynyń ál-aýqatynyń deńgeiin boljaýǵa qabiletti. Osylaisha, júie oǵan engizilgen algoritmniń arqasynda azamattardyń kómekke júginýin kútpesten, ómir súrý sapasyn jaqsartýǵa jáne azamattardyń áleýmettik osal sanattaryna qatysty alalaýdy boldyrmaýǵa kómektesedi», – dep túsindirdi Serik Shápkenov.
Budan basqa, vedomstvoElektrondyq eńbek birjasy portalyn jetildirý boiynsha júieli jumys júrgizip jatyr. Resýrsta jumyspen qamtý ortalyqtarynyń qyzmetterin kórsetetin jańa servister iske qosyldy. Oblys ortalyqtarynyń, oblystyq, respýblikalyq mańyzy bar qalalardyń jáne elordanyń turǵyndary úshin jumys izdeýshilerdi jáne jumyssyzdardy tirkeý, memleket sýbsidiialaityn jumys oryndaryna jiberý (áleýmettik jumys oryndary, qoǵamdyq jumystar, jastar praktikasy), erikti qonys aýdarýǵa kómektesý siiaqty qyzmetterdi qashyqtan usynýǵa jaǵdai jasalady.
2020 jyldyń qarashasynan bastap, 14,5 myńnan astam adam qashyqtyqtan qyzmet alý múmkindigin paidalandy. 11,7 myń azamat jumyssyz mártebesin alyp, 3,4 myń adam memleket sýbsidiialaityn jumys oryndaryna jiberildi.
1,6 myńnan astam jumyssyz adam jumysynan aiyrylýy boiynsha áleýmettik tólemder alýǵa ótinish jiberdi, olardyń 80%-yn Memlekettik áleýmettik saqtandyrý qory maquldady.
2020 jyly portal arqyly 629 myńnan astam adam jumyspen qamtyldy, onyń 66 paiyzy turaqty jumysqa ornalastyryldy.
