Kólik politseileri Qazaqstannyń memlekettik shekarasyn zańsyz kesip ótken Mysyrdyń 2 azamatyn ustady, dep habarlaidy QazAqparat.
Bul týraly vedomstvonyń baspasóz qyzmeti málim etti.
«17 qarashada Petropavl stantsiiasyndaǵy jelilik politsiia bóliminiń qyzmetkerleri «Almaty-Petropavl» baǵytynda jolaýshylar poiyzyn tekserý kezinde Petropavl temirjol vokzalynyń politsiia bólimshesine eki er adamdy jetkizdi. Olardyń Qazaqstan Respýblikasynyń memlekettik shekarasynan zańsyz ótken 21 jáne 28 jastaǵy Mysyr azamattary ekendigi anyqtaldy», - delingen departamenttiń baspasóz qyzmetiniń habarlamasynda.
Atalǵan fakti boiynsha Qylmystyq kodekstiń 392-babynyń 1-bóligi boiynsha sotqa deiingi tergep-tekserý bastaldy.
