Qańtar oqiǵalarynan keiingi «Quqyqtyq tártip» jedel-aldyn alý sharasynda zańsyz qarý ustaǵan 189 adam ustaldy, dep habarlaidy QazAqparat.
«Qarý men oq-dárilerdi zańsyz saqtaǵany úshin jáne alyp júrgeni úshin 189 adam ustaldy, 252 dana atys qarýy, 2 315 arnaiy quraldar men oq-dáriler tabyldy jáne tárkilendi. Mysaly, Almatyda «Shańyraq-2« shaǵynaýdanynda turǵylyqty jerinen ańshylyq myltyq, 8 pnevmatikalyq myltyq, pnevmatikalyq tapansha, snariad, 12 granat, Kalashnikov avtomatynyń 2 magazini, saýyt jáne qalqan tabylyp, tárkilengen tórt azamat ustaldy. Taraz qalasynda bir top adam ustaldy, olardan 2 travmatikalyq jáne 1 signaldyq tapansha, jaryq-shý granatasy jáne 9 mm kalibrli 173 patron tabylyp, tárkilendi», - dedi QR IIM Ákimshilik politsiia komiteti basqarmasynyń bastyǵy Baǵlanbek Aitpaev ministrlikte ótken brifingte.
Sonymen birge, spikerdiń aitýynsha, Taldyqorǵanda turǵylyqty jerinen 9 patrony bar «Makarov» tapanshasy tabylyp, tárkilengen adam ustaldy. Jambyl oblysynda travmatikalyq tapansha, ańshylyq myltyq jáne saýyt tárkilengen eki adam ustaldy.
«Turǵyndardyń óz erkimen 50 qarý, onyń ishinde 5 – iir oiyqty, 29 – tegis uńǵyly jáne ózge de 4 qarý tapsyryldy», - dedi basqarma bastyǵy.
