Biyl Qazaqstanda Semei iadrolyq poligonyndaǵy jarylystardyń saldarynan zardap shekken 3 myńdai adamǵa ótemaqy taǵaiyndaldy, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasynyń baspasóz qyzmetine silteme jasap.
29 tamyz – Halyqaralyq iadrolyq synaqtarǵa qarsy kúres kúni. Qazaqstanda iadrolyq synaqtar 40 jyl boiy júrgizilgen.
«Azamattarǵa arnalǵan úkimet» memlekettik korporatsiiasy jyl basynan beri Semei iadrolyq synaq poligonynan zardap shekkenderge birjolǵy memlekettik aqshalai ótemaqy boiynsha 2 924 tólem taǵaiyndady. Zardap shekkenderge beriletin ótemaqy mólsheri radiatsiialyq qaýip aimaqtaryna qarai bólinedi», delingen habarlamada.
Atalǵan birjolǵy ótemaqyny alý úshin synaq saldarynan zardap shekken aimaqta turǵandar tirkeýden ótip, tiisti kýálik alýy tiis. Bul úshin memlekettik korporatsiianyń front-ofisine júginý qajet.
Qyzmetti alý úshin azamattar ótinish jazyp, tólqujat kóshirmesin, mekenjai anyqtamasyn, banktegi shotynyń nómirin, sondai-aq 1949-1990 jj. iadrolyq synaqtar ótken aimaqta turý faktisin rastaityn qujattaryn ótkizedi.
Aita keteiik, 2019 jyldyń alǵashqy alty aiynda Semei poligonynan zardap shekken azamattarǵa 5,7 myń kýálik berildi.
