بيىل قازاقستاندا سەمەي يادرولىق پوليگونىنداعى جارىلىستاردىڭ سالدارىنان زارداپ شەككەن 3 مىڭداي ادامعا ٶتەماقى تاعايىندالدى, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسپاسٶز قىزمەتٸنە سٸلتەمە جاساپ.
29 تامىز – حالىقارالىق يادرولىق سىناقتارعا قارسى كٷرەس كٷنٸ. قازاقستاندا يادرولىق سىناقتار 40 جىل بويى جٷرگٸزٸلگەن.
«ازاماتتارعا ارنالعان ٷكٸمەت» مەملەكەتتٸك كورپوراتسيياسى جىل باسىنان بەرٸ سەمەي يادرولىق سىناق پوليگونىنان زارداپ شەككەندەرگە بٸرجولعى مەملەكەتتٸك اقشالاي ٶتەماقى بويىنشا 2 924 تٶلەم تاعايىندادى. زارداپ شەككەندەرگە بەرٸلەتٸن ٶتەماقى مٶلشەرٸ رادياتسييالىق قاۋٸپ ايماقتارىنا قاراي بٶلٸنەدٸ», دەلٸنگەن حابارلامادا.
اتالعان بٸرجولعى ٶتەماقىنى الۋ ٷشٸن سىناق سالدارىنان زارداپ شەككەن ايماقتا تۇرعاندار تٸركەۋدەن ٶتٸپ, تيٸستٸ كۋەلٸك الۋى تيٸس. بۇل ٷشٸن مەملەكەتتٸك كورپوراتسييانىڭ فرونت-وفيسٸنە جٷگٸنۋ قاجەت.
قىزمەتتٸ الۋ ٷشٸن ازاماتتار ٶتٸنٸش جازىپ, تٶلقۇجات كٶشٸرمەسٸن, مەكەنجاي انىقتاماسىن, بانكتەگٸ شوتىنىڭ نٶمٸرٸن, سونداي-اق 1949-1990 جج. يادرولىق سىناقتار ٶتكەن ايماقتا تۇرۋ فاكتٸسٸن راستايتىن قۇجاتتارىن ٶتكٸزەدٸ.
ايتا كەتەيٸك, 2019 جىلدىڭ العاشقى التى ايىندا سەمەي پوليگونىنان زارداپ شەككەن ازاماتتارعا 5,7 مىڭ كۋەلٸك بەرٸلدٸ.
