Foto:elements.envato.com
Qazaqstanda veipterdi satýǵa jáne paidalanýǵa zańdy túrde tyiym salý, sondai-aq, aktsiz engizý josparlanyp otyr. Bul týraly Májilis depýtaty Amanjan Jamalov aitty, - dep habarlaidy Tengrinews.kz.
"Negizgi daýdyń sebebi bularǵa (jylytylǵan temeki qosylǵan ónimderge. - Eskertý) salynǵan salyq. Bilesiz be, osy ýaqytqa deiin Qazaqstanda elektrondy temekige eshqandai salyq salynbaǵan. DDSU málimetinshe, bul temekiler áser etý, quramyndaǵy nikotin jáne basqa da kórsetkishteri jaǵynan kádimgi temeki siiaqty. Sondyqtan, depýtattar aktsiz salý týraly sheshim qabyldady.
Sonymen qatar, Qazaqstanda temeki qospasy bar elektrondy qurylǵylar dep atalatyn veipterdi satýǵa jáne paidalanýǵa tyiym salatyn Densaýlyq saqtaý kodeksine ózgertýler engizý týraly sheshim qabyldandy. Olardy Qazaqstanda satýǵa jáne paidalanýǵa tolyq tyiym salynady. Sondyqtan biz Salyq kodeksinen bul uǵymdardy alyp tastadyq", - dep túsindirdi ol Májilis otyrysynda.
