Foto: zakon.kz
Qazaqstanda valiýta aiyrbastaý pýnktterinde valiýtany satý-satyp alý baǵamdarynyń aýytqýyna jańa shekteýler belgilenedi, dep habarlaidy Ult.kz.
"Ulttyq Bank «Aiyrbastaý pýnktteri arqyly júrgiziletin operatsiialar boiynsha teńgege shetel valiýtasyn satyp alý baǵamynyń satý baǵamynan aýytqý shekterin belgileý týraly» Qazaqstan Respýblikasy Ulttyq Bankiniń Basqarma qaýlysynyń jobasy ázirlengenin habarlaidy", -delingen habarlamada.
Jobaǵa sáikes aiyrbastaý pýnktteri arqyly júrgiziletin operatsiialar boiynsha teńgege shetel valiýtasyn satyp alý baǵamynyń satý baǵamynan aýytqý shegi AQSh dollary úshin – 7 teńge, eýro úshin – 10 teńge dep belgileý usynylady.
Usynylǵan ózgerister, eń aldymen, valiýta naryǵyndaǵy alypsatarlyq áreketterdi tómendetýge, sondai-aq qarjy naryǵyna qatysýshylardyń táýekelderin seiiltýge baǵyttalǵan.
Bul shekteýler qolma-qol aqshasyz nysanda júrgiziletin aiyrbastaý operatsiialaryna áser etpeidi.
Qaýly jobasynyń tolyq mátinimen Qazaqstan Ulttyq Bankiniń resmi saitynda tanysýǵa bolady.
