QR Ulttyq bankiniń resmi saitynda «Qazaqstan Respýblikasynda qolma-qol shetel valiýtasymen aiyrbastaý operatsiialaryn uiymdastyrý qaǵidalaryn bekitý týraly» QR UB basqarmasynyń №49 qaýlysyna ózgerister men tolyqtyrýlar engizý týraly» qaýly jobasy jariialandy, dep habarlaidy "Ult aqparat".
Qaýly jobasyna sáikes, aqsha aiyrbastaý beketteriniń jumys ýaqytyn qysqartý josparlanǵan.
Ol úshin qaǵidanyń 33-tarmaǵy 2-tarmaqshamen tolyqtyrylady.
«Aiyrbastaý pýnktiniń (avtomattandyrylǵan aiyrbastaý pýnktiniń) jumys rejimi qolma-qol shetel valiýtasymen aiyrbastaý operatsiialaryn júzege asyrýǵa quqyǵy bar zańdy tulǵa 10 saǵat 00 minýttan 19 saǵat 00 minýtqa deiingi ýaqyt sheginde derbes anyqtaidy», delingen qujait jobasynda.
