Qazaqstanda úisiz janýarlardy qoldaýǵa arnalǵan shaǵyn granttar baiqaýy bastaldy. Bul týraly «Qazaqstan volonterler ligasy» qoǵamdyq qory málim etti, dep habarlaidy "Ult aqparat".
Janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy aiasynda volonterler úshin shaǵyn granttar baiqaýy ashyldy.
Konkýrstyń maqsaty - volonterlik bastamalardy jáne janýarlarǵa jaýapkershilikpen qaraýdy qalyptastyrý jónindegi jobalardy damytýǵa, volonterlerdiń jeke bastamalaryn qoldaýǵa baǵyttalǵan konkýrsty uiymdastyrý jáne 5 shaǵyn grant (árbir jobaǵa 500 myń teńge) bólý.
Shaǵyn granttar konkýrsyna qatysýǵa Qazaqstan Respýblikasynyń bastamashyl toptary men úkimettik emes uiymdary qatysa alady. Oǵan elimizdiń barlyq óńirleriniń turǵyndary qatysa alady, alaida joba Nur-Sultan qalasynyń aýmaǵynda júzege asyrylady.
Baiqaý erejesin @league_volunteers jáne @birgemiz Instagram profilderiniń sipattamasynan tabýǵa bolady.
Shaǵyn granttar berýge arnalǵan konkýrs kelesi 5 taqyryp boiynsha jariialanady:
1. Balalar men jasóspirimder arasynda adamgershilik qarym-qatynasty qalyptastyrý boiynsha aktsiialar.
2. Janýarlarǵa qarym-qatynas mádenietin ózgertýge baǵyttalǵan fleshmob.
3. Qoǵamdyq nazar aýdarý boiynsha janýarlardyń fotokórmesi.
4. Tegin veterinariialyq qyzmet kórsetý.
5. Janýarlarǵa jaýapkershilikpen qaraýdy qalyptastyrýǵa baǵyttalǵan áleýmettik beinerolikter.
Konkýrs 2021 jyldyń 29 sáýir jáne 25 mamyr aralyǵynda ótkiziledi. Bir taqyryp boiynsha bir ótinim berýshiden 1 (birden) artyq ótinim berýge jol berilmeidi.
Janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy Azamattyq bastamalardy qoldaý ortalyǵy memlekettik granty sheńberinde iske asyrylady.
