Sýret: Pixabay.com
Ekologiia jáne tabiǵi resýrstar ministrligi Qazaqstandaǵy ýtil alymnan túsken qarjynyń qaida jiberiletinin málimdedi.
16 shildede qoqys óńdeý aqysyn alyp tastaýǵa qatysty petitsiiany qoǵamdyq talqylaý barysynda ekologiia jáne tabiǵi resýrstar vitse-ministri Jomart Áliev odan jinalǵan aqshanyń qai baǵytta jiberiletinin atap ótti.
"Búginde aýyl sharýashylyǵy tehnikasy men avtobýstardyń lizingi boiynsha jeńildetilgen avtonesielerdi qarjylandyrýǵa 160 mlrd teńge, aýyl sharýashylyǵy tehnikasynyń jeńildetilgen lizingin qarjylandyrýǵa 20 mlrd teńge, jinaqtaý jobalaryn qarjylandyrýǵa 200 mlrd teńge bólindi", – dedi vitse-ministr.
Vitse-ministrdiń sózinshe, qaldyqtardy suryptaý, óńdeý, orman sharýashylyǵy uiymdaryna órt sóndirý mashinalaryn jáne tótenshe jaǵdailar ministrligi uiymdaryna arnaiy tehnika, avtobýstar satyp alýǵa 90 milliard teńge qarastyrylǵan.
Sonymen qatar ol aýyl sharýashylyǵy salasyndaǵy kólik quraldaryn óndirýshilerge qaita óńdeý tólemderin qaitarýǵa 215 milliard teńge bólingenin atap ótti.
Eske salaiyq, Qazaqstan ýtil alym mólsherlemesin ózgertýden bas tartqanyn jazdyq. Buǵan ónerkásip jáne qurylys ministrliginiń ókili Ádilbek Bektibaev petitsiiada kórsetilgen ýájderdiń shyndyqqa sáikes kelmeitinin alǵa tartyp, usynysty qanaǵattandyrýdan bas tartty dep túsindirdi.
