Densaýlyq saqtaý ministrliginiń resmi ókili Baǵdat Qojahmetov koronavirýs infektsiiasynan 114 bala aýrýhanada emdelip jatqanyn aitty, dep habarlaidy QazAqparat.
«Naýryz aiynan bastap balalardyń koronavirýs infektsiiasyn juqtyrýdyń 2 257 jaǵdaiy tirkeldi. Onyń ishinde qazirgi kezde Qazaqstan aýrýhanalarynda 114 bala jatyr», - dedi resmi ókil Ortalyq komýnnikatsiialar qyzmetinde.
Belgili bolǵandai, úsh jetkinshekte Kavasaki sindromy anyqtaldy. Kavasaki sindromy kúretamyrlarǵa zaqym keltiredi.
«Jyl basynan beri jalpy úsh jaǵdai tirkeldi, iaǵni Nur-Sultanda, Almatyda jáne Petropavlda», - dedi B. Qojahmetov.
Onyń sózine qaraǵanda, balalardyń densaýlyǵy ártúrli dárejede. Elordadaǵy balanyń densaýlyq jaǵdaiy turaqty.
«Bul - óte kúrdeli sindrom. Sáikesinshe, oǵan erekshe mán bergen jón», - dedi resmi ókil.
