Syrtqy ister ministri Qairat Ábdirahmanov Ulybritaniia jáne Soltústik Irlandiia Qurama Koroldiginiń Qazaqstandaǵy Elshisi Kerolin Braýnǵa Qazaqstan Respýblikasynyń Qurmet gramotasyn tabys etti, dep habarlaidy "Ult aqparat" QR SIM baspasóz qyzmetine silteme jasap.
Memleket basshysy Nursultan Nazarbaevtyń K. Braýndy marapattaý týraly Jarlyǵyna sáikes, Elshi Qazaqstan Respýblikasy men Ulybritaniia arasyndaǵy jemisti yntymaqtasty damytýǵa sińirgen eńbegi úshin Qurmet gramotasyna ie boldy.
Q. Ábdirahmanov tiimdi árekettestik pen saiasi dialogtyń damýyna, sondai-aq eki el arasyndaǵy ekonomikalyq yntymaqtastyq pen mádeni bailanystardy nyǵaitýǵa qosqan eleýli úlesi úshin Qazaqstandaǵy diplomatiialyq missiiasyn tamamdap jatqan K.Braýnǵa alǵysyn bildirdi. Elimizdiń Londondaǵy Elshiligimen tyǵyz yqpaldastyqtyń nátijesinde britandyq dipmissiianyń basshysy Qazaqstandy Ulybritaniianyń Ortalyq Aziia elderiniń ishindegi strategiialyq áriptes retindegi mártebesin bekitýge járdemdesti.
«K. Braýnnyń 5 jylǵa jýyqtaǵan qyzmeti barysynda Qazaqstan men Ulybritaniia arasyndaǵy qarym-qatynastar jańa sapaly deńgeige kóterildi, joǵary deńgeidegi saparlar uiymdastyryldy. Belsendi saiasi dialog pen iskerlik toptardyń bailanystary bunyń aiǵaǵy bolyp tabylady», delingen habarlamada.
Ekijaqty bailanystardy kúsheitýge baǵyttalǵan úlesin joǵary baǵalaǵany úshin K. Braýn Qazaqstan basshylyǵyna shynaiy alǵysyn bildirdi. Ol birqatar birlesken is-sharalardy sátti júzege asyrýyna jol ashqan qazaqstandyq diplomattarǵa britandyq elshiligimen jemisti áreketteskeni úshin rizashylyǵyn aitty.
