Qazaqstanda ulttyq jobalarǵa bólingen biýdjet igerilmegeni úshin jaýapkershilikti alyp tastaý usynyldy. Ulttyq ekonomika vitse-ministri Azamat Ámrin bul zańdy basqasha ózgertýdi usyndy, - dep habarlaidy Tengrinews.kz tilshisi.
Vedomstvonyń bul usynysyn vitse-ministr Senatta biýdjettik protsesterdi qaita júkteý máseleleri boiynsha ýákiletti memlekettik organdarmen ótken keńeste málimdedi.
"Ulttyq jobalar bizde indikatorlarǵa bailanysty, árqaisysyna laýazymdy tulǵa bekitilgen. Eger indikator bar bolsa, 3-5 jyl ishinde qarajat bólinse, bul indikatorǵa qol jetkizý kerek. Eger qol jetkizilmese, onda bul jaǵdaida jaýapkershilik týyndaidy. Ulttyq jobalar bóliginde biýdjettiń igerilmegeni úshin jaýapkershilikti nátijelerge qol jetkizbegeni úshin jaýapkershilikke aýystyrý usynylady", - dep usyndy Ámrin Senattaǵy kezdesý kezinde.
"Kez kelgen ulttyq jobaǵa aqsha bólinedi, tiisinshe, oryndalýy tiis belgili bir kórsetkish bar. Blok biýdjetiniń ideiasy aqshanyń ikemdiligi men erkin qozǵalysy bolyp tabylady. Eger qandai da bir joba bolsa, onda osy jyly oryndalmaǵan jaǵdaida, bul aqshany jyldan-jylǵa baǵdarlama ishinde "jyljytýǵa" bolady. Tiisinshe, bizde qarajatty paidalaný boiynsha erkindik bar, biraq biz indikatordy oryndaý úshin emes, igermegeni úshin jaýapkershilikti alyp tastaimyz", - dep tolyqtyrdy Azamat Amrin.
Vitse-ministrdiń aitýynsha, Biýdjet kodeksine sáikes biýdjet qarajatyn oryndamaǵany úshin birinshi basshy jaýapty bolady.
"Bizde 10 ulttyq joba bar jáne bir ulttyq joba aiasynda qarajatty oblystar boiynsha qaita bólý múmkindigi qarastyrylatyn bolady. Mysaly, bir oblysta igerý júrip jatyr, ekinshisinde igerilmegen. Biz bul qarajatty bir oblystan ekinshi oblysqa aýystyra alamyz. Iaǵni, erkindik bolady. Bul ózgeristerdi biz dál Ulttyq jobalar úshin engizgimiz keledi", - dep túiindedi vitse-ministr.
