Ýkrainanyń Qazaqstandaǵy Tótenshe jáne Ókiletti elshisi Ivan Kýleba ýkrainalyq telearnalardy ashýǵa qatysty pikir bildirdi, dep xabarlaidy QazAqparat tilshisi.
«Qazaqstandaǵy ýkrain diasporasy óz eliniń telearnalaryn kóre almai júr. Biz osy salada jumys istep jatyrmyz. Ókinishke qarai, qazirgi kezde Qazaqstan jerinde ýkrain tilinde birde-bir arna, birde-bir baǵdarlama joq. Osyǵan bailanysty men kabeldi jelilerdiń ielerine xat joldap, beitarap ustanymy bar kez kelgen arnany qosýdy suradym. Aqparattyq arna bolsa da jetkilikti», - dedi I.Kýleba jýrnalisterge bergen suxbatynda.
Elishiniń sózine qaraǵanda, resmi málimet boiynsha Qazaqsanda 300 myń ýkrain turady. Biraq olardyń sany odan da kóp bolýy ábden múmkin.
«Biz Astanada mádeniet kúnderin ótkizýdi kózdeimiz. Budan bólek, astanalyqtarǵa Taras Shevchenkonyń eskertkishin syilaýdy josparlap otyrmyz», - dep atap kórsetti I.Kýleba.
Aita keteiik, búgin Aqordada QR Prezidenti Nursultan Nazarbaev bes eldiń elshisinen senim gramotalaryn qabyldady.
Sol jerde Memleket basshysy el ekonomikasynyń damýy týraly aityp berdi.
