Foto: instagram.com/ruslan_yemelbayev
Qazaqstanda Ulttyq biryńǵai testileý (UBT) formatyn IELTS jáne TOEFL formattaryna jaqyndata otyryp, ózgertý josparlanyp otyr. Bul týraly Ǵylym jáne joǵary bilim ministri Saiasat Nurbek málimdedi, - dep habarlaidy Tengrinews.kz.
Saiasat Nurbek beinebaqylaý kameralary jazbasy tekserilgennen keiin 153 túlektiń UBT nátijesi joiylǵanyna qatysty pikir bildirdi. Ministr bul tájiribe tolyǵymen ádil deýge kelmeitinin atap ótti.
"Proktoring - kamera júiesi, test tapsyrýshy talapkerdiń kez kelgen zańsyz áreketin avtomatty rejimde tirkeý úshin eki buryshtan beinebaqylaý júiesi. Osydan keiin beinematerialǵa taldaý jasalady jáne tártip buzý anyqtaldy ma, joq pa tirkeledi. Osy taldaý qorytyndysy boiynsha nátijeniń kúshin joiý týraly sheshim qabyldanady. Men kelisemin, belgili bir ýaqyt ótkennen keiin grantty alyp qoiý ádil emes. Sondyqtan qazir eki baǵyt boiynsha óte mańyzdy jumys júrgizip jatyrmyz", - dedi ministr OKQ brifinginde.
Birinshiden, onyń aitýynsha, elimizde UBT formaty men onyń mazmuny qaita qaralady. Test durys jáne burys jaýap berip qana qoimaidy, sonymen qatar fýnktsionaldyq saýattylyqty, daiyndyq deńgeiin jáne bilimdegi olqylyqtardy tekseredi.
Ministr bul jumys kelesi jyly aiaqtalatynyn atap ótti. Ótinish berýshiler zańsyz ádisterdi qoldana almaityndai printsipti jańa ádistemelik suraqtar paketi daiyndaldy.
"Ekinshi, byltyrdan bastap UBT ótý formaty qaita qaralyp jatyr. Endi talapkerler ýaqyty men ornyn ózderi anyqtaidy, eki ret tapsyrady. Bolashaqta UBT-nyń TOEFL jáne IELTS sertifikaty siiaqty bolatyndai formatqa kóshemiz, sonda ózińizge yńǵaily ýaqytta yńǵaily jerde daiyndalyp, tapsyryp, biliktiligińizdi rastai alasyz. Sosyn qujattardy tapsyrýǵa bara alasyz", – deidi Saiasat Nurbek.
Onyń aitýynsha, kelesi jyly UBT basqa úlgi, basqa sapaly suraqtar jiyntyǵymen ótedi.
