rawpixel.com/Freepik
Ekologiia jáne tabiǵi resýrstar ministrligi ýaqyt beldeýiniń ózgerýi týraly aqparatqa qatysty pikir bildirdi, - dep habarlaidy Tengrinews.kz saity.
Áleýmettik jelide tarap jatqan aqparatta birneshe óńirde ýaqytty bir saǵat alǵa jyldytý josparlanǵany aitylǵan.
"Osyǵan bailanysty Qazaqstannyń batys óńirleri, atap aitqanda: Aqtóbe, Atyraý, Batys Qazaqstan, Qyzylorda, Mańǵystaý oblystary 30 qarashadan 1 jeltoqsanǵa qaraǵan túni (00:00-de) elorda ýaqytyna, bir saǵatqa aýystyrylady", - delingen mátinde.
Ekologiia ministrligi qazir Qazaqstanda ýaqytty esepteýdiń biryńǵai tártibin belgileý máselesi zerttelip jatqanyn rastady.
"Ekologiia jáne tabiǵi resýrstar ministrligi Saýda jáne integratsiia ministrligimen jáne basqa da múddeli uiymdarmen birlesip Qazaqstan Respýblikasynyń aýmaǵynda ýaqytty esepteýdiń biryńǵai tártibin belgileý máselesin zerdelep jatyr.
Depýtattardyń, ortalyq memlekettik organdardyń, qoǵam pen ǵylymi uiymdar ókilderiniń qatysýymen jumys toby quryldy", - deidi vedomstvo ókilderi.
Alaida ministrlik ókilderi qazir bul másele boiynsha sheshim qabyldanbaǵanyn aitty. Sheshim máseleni egjei-tegjeili zerdelegennen keiin, sondai-aq, qoǵamdyq talqylaýdan keiin qabyldanady.
"Qazir Qazaqstan Respýblikasynyń aýmaǵynda ýaqyt eki ákimshilik ýaqyt beldeýinde esepteledi: 4-shi (BQO, Aqtóbe, Atyraý, Qyzylorda, Mańǵystaý oblystary) jáne 5-shi (Astana, Almaty, Shymkent, Aqmola, Almaty, Qaraǵandy, Ulytaý, Túrkistan jáne basqa da oblystar)", - dedi Ekologiia ministrligindegiler.
