Qazaqstanda turmystyq zorlyq-zombylyq qurbandary 50% paiyzǵa ósti. Bul týraly Qazaqstandaǵy BUU bóliminiń baspasóz qyzmeti habarlady.
«Koronavirýstyń jańa túriniń jahandyq taralýyna deiin de statistika málimetteri búkil álemdegi áielderdiń úshten bir bóligi óz ómirlerinde qandaida bir zorlyq-zombylyqty basynan keshirgenin kórsetýde. Karantindik rejim kúsheigen tusta turmystyq zorlyq-zombylyqtyń ósýi baiqaldy. Qazaqstanda turmystyq zorlyq-zombylyq qurbandaryna arnalǵan jedel telefon jelileriniń birinde 2020 jyly sáýir aiynyń birinshi jartysynda osy jyldyń aqpan aiymen salystyrǵanda shaǵymdar sany 50% artqany týraly aityldy. Al boijetkenderdiń 50%-y otbasyda zorlyq túrindegi tárbie kórse, onyń ishinde 21%-y dene jaraqatyn alady, 45%-y psihologiialyq agressiia men zorlyq-zombylyqty basynan keshiredi. Oǵan qosa qaýip-qaterge dýshar bolǵan áielderge qoldaý kórsetý qyzmetteri shektelip, jabylýda. Virýs juqtyrý qaýpi jáne qozǵalys shekteýleri saldarynan arnaiy áleýmettik ortalyqtar jańa kelýshilerli qabyldai almaidy», - delingen BUU taratqan habarlamada.
Pandemiia kezinde genderlik teńsizdik aiqyndala túsýde.
«Jedel saraptama kórsetkendei, saýalnamaǵa qatysqan adamdardyń tórtten úsh bóliginde politsiiaǵa, psihologiialyq-áleýmettik qyzmetterge, meditsinalyq nemese basqa mekemelerdiń kómegine júginý múmkindigi joq. Osyndai adamdarǵa kómektesý úshin Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiia Birikken Ulttar Uiymynyń Halyq qorynyń qoldaýymen koronavirýstan qalai qorǵaýǵa bolatyndyǵy, úiden shyǵý nemese oralǵan kezde ne isteý kerek jáne zorlyqqa tap bolǵan kezde qaida kómekke júginý kerektigine qatysty beinerolikter daiyndady», - deidi Qazaqstandaǵy Birikken Ulttar Uiymynyń Halyq qorynyń ókili Djýliia Valeze.
Biyl sáýir aiynda «BUU Áielder» qurylymy Ortalyq Aziiadaǵy azamattyq qoǵam uiymdarymen COVID-19 boiynsha usynystar men sheshimder engizý úshin keńes ótkizdi. Nátijesinde Qazaqstandaǵy «BUU Áielder» qurylymy men Birikken Ulttar Uiymynyń Halyq qory daiyndaǵan tótenshe jaǵdaidaǵy turmystyq zorlyq-zombylyqtyń aldyn-alý jáne oǵan qarsy is-qimylǵa qatysty zańnamalyq jáne normativtik standarttarǵa ózgertýler engizý boiynsha birqatar tájiribelik usynystar engizildi.
