Elimizde turmystyq zorlyq-zombylyqqa ushyraityndardyń 54 paiyzy názik jandar. Bul týraly QR IIM Ákimshilik politsiia komitetiniń basqarma basshysy Áset Ospanov málim etti, dep habarlaidy QazAqparat.
«Turmystyq zorlyq-zombylyqtyń jartysynan kóbisi mas kúide jasalady. Osy tusta aityp ótetin jait, jazany kúsheitý máseleni sheshpeidi. Bizdiń oiymyzsha, aldymen otbasynyń áleýmettik-ekonomikalyq máselesin sheshý kerek. Ekinshiden, nasihattaý jumysyn jetildire túsken jón. Onyń ishinde eresektermen ǵana emes balalarmen de jumys isteý kerek. Balalardan bastaý kerek. Sebebi eshkim bul ómirge qylmysker bolyp kelmeidi. Ata-ana da balasynyń qylmysker bolǵanyn qalamaidy», - dedi Áset Ospanov Ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, turmystyq janjaldyń sebebi ártúrli.
«Elimizde turmystyq zorlyq-zombylyq qurbandarynyń 54 paiyzy áielder, qalǵany er adamdar. Kóbine otbasylyq janjaldan týyndaidy. Turmystyq zorlyq-zombylyq degende tek erli-zaiyptylar arasyndaǵy problema ǵana emes, áke men bala arasyndaǵy kelispeýshilik nemese janjal da jatady. Sol sekildi baýyrlardyń arasynda bolýy da múmkin. Osyǵan uqsas jaittar turmystyq zorlyq, kúsh kórsetýge jatady», - deidi ol.
