Biyl «Túrkistan – túrki áleminiń besigi» atty Túrkitildes eldiń jastarynyń sammiti ótkizilmek. Bul týraly halyqqa esep berý kezdesýinde QR Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«Jastar saiasatyn júzege asyrý barysynda shet memlekettermen ózara tájiribe almasý da únemi nazarda. Bul rette, biyl halyqaralyq deńgeide «Túrkistan – túrki áleminiń besigi» Túrkitildes elder jastarynyń sammitin, Aziiadaǵy ózara is-qimyl jáne senim sharalary keńesi» elderiniń jastar forýmyn ótkizý josparda bar», - dedi ministr.
Sonymen qatar ol otbasy saiasaty baǵytynda «2030 jylǵa deiin genderlik jáne otbasylyq saiasat tujyrymdamasyn iske asyrýdyń is-sharalar josparynyń» ekinshi kezeńi bekitilgendigin aitty. Tujyrymdama negizinen otbasy institýtyn nyǵaitý, reprodýktivti densaýlyq kútimi, genderlik teńdik, turmystyq zombylyqty boldyrmaý máselelerin qamtidy.
«Onyń ishinde turmystyq zombylyqpen kúres máselesi óte ózekti. Ókinishke orai, byltyrǵy karantindik oqshaýlaný kezinde turmystyq janjal faktileri kúrt óskeni bilindi. Al bul máselemen ainalysatyn ortalyqtar elimizdegi tek iri qalalarda ǵana shoǵyrlanǵan. Qazir el aýmaǵynda turmystyq zombylyq qurbandaryna arnalǵan 65 daǵdarys ortalyǵy jumys jasaidy. Degenmen búginde árbir aýdan jáne qalada osyndai ortalyqtar ashý qolǵa alynýda. 2025 jylǵa deiin olardyń sanyn 234-ke jetkizý kózdelip otyr», - dedi Aida Balaeva.
