Foto: Pexels.com
Naqtyraq aitqanda, qazanda turǵyn úidi jalǵa alý ótken jylmen salystyrǵanda 6,7%-ǵa ósti.
Ulttyq statistika biýrosynyń málimeti boiynsha, jyl basynan beri ekinshi naryqtaǵy turǵyn úi baǵasy shamamen 4%-ǵa, al jańa úilerdiń baǵasy 2,3%-ǵa qymbattaǵan.
- ▪️ Ekinshi naryqtaǵy úiler baǵasy eń kóp Atyraý (+24,7%) jáne Astana (+11,3%) qalalarynda ósken.
- ▪️ Jalǵa alý aqysy eń kóp Oralda (+24,2%), Shymkentte (+21,9%) jáne Petropavlda (+21%) qymbattaǵan.
- ▪️ Jańa úiler baǵasy Tarazda (+8,6%), Aqtóbede (+7,9%), Taldyqorǵanda (+7,2%), Kókshetaý men Qyzylordada (+7,1%) aitarlyqtai ósken.
Bir ai ishinde (qyrkúiekpen salystyrǵanda) jańa jyljymaityn múlik pen jalǵa alý aqysy el boiynsha 0,6%-ǵa ósti. Al ekinshi naryqtaǵy úilerdiń baǵasy azdap tómendedi (0,4%-ǵa). Jyljymaityn múlik boiynsha mámileler sany azaidy (39,2 myń). Turǵyn úi naryǵy eń belsendi Almaty, Astana jáne Qaraǵandy oblystarynda.
Eń kóp satylatyn jáne satyp alynatyn páterler – bir bólmeli páterler. Ótken aida jeke úilerdi satyp alý kórsetkishi azaidy (-3,8%).
«Jeke úiler boiynsha eń kóp mámile sany Ulytaý (+42,9%), Túrkistan (+21,6%) jáne Abai (+11,7%) oblystarynda baiqalady. Al eń úlken tómendeý Soltústik Qazaqstan (-28,5%), Batys Qazaqstan (-21,9%) jáne Mańǵystaý (-21,6%) oblystarynda oryn aldy. 2024 jyldyń qazan aiynda turǵyn úi satyp alý-satý mámileleriniń sany ótken jyldyń sáikes aiymen salystyrǵanda 18,7%-ǵa ósip, 32 975 mámile tirkeldi», — dep habarlady USB.
