Foto: Pexels.com
Memleket basshysy «Qazaqstan Respýblikasynyń keibir zańnamalyq aktilerine turǵyn úi saiasatyn reformalaý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy, dep habarlaidy Ult.kz.
Túzetýler mynalardy qamtydy:
- Zań azamattardyń, qandastardyń turǵyn úi jaǵdailaryn jaqsartýǵa qatysty memlekettik qoldaý tetikterin jetildirýge baǵyttalǵan.
- Túzetýlerdiń birinshi blogy Memleket basshysynyń tapsyrmasyna sáikes, Otbasy bankiniń negizinde turǵyn úi kezegine qoiýdy, esepke alýdy jáne bólýdi bir ortalyqtan júzege asyratyn keshendi damý jáne qoldaý institýtyn qurýdy kózdeidi.
- Sonymen qatar Otbasy banki jeke turǵyn úi qorynan jalǵa alynǵan turǵyn úi úshin jaldaý aqysynyń bir bóligin sýbsidiialaýdy, jeńildetilgen ipotekalyq turǵyn úi qaryzdaryn berýdi jalǵastyrady.
- Otbasy bank turǵyn úidi bólý kezinde baspanaǵa muqtaj azamattardy esepke qoiý kúni men tabys deńgeiin eskeredi. Bul, birinshi kezekte, turǵyn úi kezeginde uzaq ýaqyttan beri turǵan adamdardy baspanamen qamtýǵa múmkindik beredi.
- Túzetýlerdiń ekinshi blogynda turǵyn úige muqtaj adamdar úshin qosymsha kepildikter engizý qarastyrylǵan.
- Túzetýlerdiń úshinshi blogy memlekettik qoldaý sharalary aiasynda berilgen turǵyn úidi ielený jáne paidalaný tetigin reglamentteitin erejelerdi tolyqtyryp, naqtylaidy.
- Túzetýlerdiń tórtinshi blogy jer zańnamasynyń jekelegen erejelerin, qurylys, jeke tulǵalardyń depozitterine kepildik berý salasyndaǵy zańnamalardy jetildirýge baǵyttalǵan.
Zańnyń mátini baspasózde jariialanady.
